ناڤه‌ندا نووچه‌یان – سه‌ما
ئیڕۆ دووشەمبوویێ، 26ی گوڵانا 2025، مەسرور بارزانی، جێگرێ سەرۆكێ پارتی دیموكراتی كوردستان پەیامەك بەڵاڤكر و تێدا هاتییە، ل چل و نەهەمین ساڵیادا سەرهلدانا شۆڕەشا گوڵانێ دا، یادا هەموو ئەوان تێكۆشەر، خەباتكار، فەرماندە و پێشمەرگەیێن قەهرەمان دكەین كو دئەڤێ شۆڕەشێدا بەشداربووین.
شۆڕەشا گولانێ وەك درێژەپێدەرا شۆڕەشا ئەیلوولێ ب ڕابەرایەتییا ڕێبەرێ نیشتیمانێ مە بارزانییێ نەمر، پلانا دژمنێن كوردستانێ ژناڤ بر و ب ڕێیا گیانفدایێ و بەردەوامبوونا خەبات و بەرخوەدانێ، ئاسوویەكێ نوو ل هەمبەری خەلكێ كوردستانێ ڤەكر.
دەقێ پەیاما مەسرور بارزانی، جێگری سەرۆكێ پارتی دیموكراتی كوردستان:
ل چل و نەهەمین ساڵیادا سەرهلدانا شۆڕەشا گوڵانێ دا، بە ڕێز و پێزانینێكی زۆرەوە، یادا هەموو ئەوان تێكۆشەر، خەباتكار، فەرماندە و پێشمەرگەیێن قەهرەمان دكەین كو دئەڤێ شۆڕەشێدا بەشداربووین و وان ب باوەرییەكا بلندڤە، بەرەڤانی ژ گەلێ كوردستانێ كر.
شۆڕەشا گولانێ، وەك درێژەپێدەرا شۆڕەشا ئەیلوولێ ب ڕابەرایەتییا ڕێبەرێ نیشتیمانێ مە بارزانییێ نەمر، پلانا دژمنێن كوردستانێ ژناڤ بر و ب ڕێیا گیانفدایێ و بەردەوامبوونا خەبات و بەرخوەدانێ، ئاسوویەكێ نوو ل هەمبەری خەلكێ كوردستانێ ڤەكر.
ل سالیادا سەرهلدانا شۆڕەشا گوڵانێ دا، تەكەزێ ل كاركرنا هەڤبەش و تەبایا هەموو پێكهاتەیێن كوردستانێ دكەین، ئێكڕێزییا هەموو پێكهات، هێز و لایەنێن كوردستانێ ژ بنەمایێن گرنگ یێن شۆڕەشا گوڵانێ نە و بوو ئەگەرێ دروستبوونا سەرهلدانا ئادارا 1991ـێ و ب دەستڤەئینانا هەموو دەستكەفتێن نیشتیمانی.
ل سالیادا شۆڕەشا گوڵانێ دا، سلاڤ بۆ گیانێ پاكێ بارزانیێ نەمر وكاك ئیدریسێ هەردەم ساخ و گشت شەهیدێن كوردستانێ.
مەسرور بارزانی
جێگرێ سەرۆكێ پارتی دیموكراتی كوردستان
26/5/2025