ناڤه‌ندا نوچه‌یان – سه‌ما
لدووڤ برياره‌كا پارێزگه‌ها دياربه‌كر، قوبه‌كا ئێزديان دێ ئێته هه‌لوه‌شاندن و ڤێ چه‌ندێ ئێزدى دلگرانكرينه.
شه‌مبوويێ،24ی ئه‌یارا 2025، نه‌ديم ئه‌ركێش، چالاكڤانێ ئێزدى بۆ سه‌ما، راگه‌هاند: قوبا پيرێ ئالى يا ئێزديان دكه‌فته گوندێ باجنێ ل ده‌ڤه‌را باتمانێ سه‌ر ب پارێزگه‌ها دياربه‌كر ل باكوورێ كوردستانێ، ئه‌ڤه چه‌ند ڕۆژن پارێزگه‌ها دياربه‌كرێ برياردايه كو ئه‌و قوبه بێته هه‌لوه‌شاندن و خرابكرن.
چالاكڤانێ ئێزدى ئاشكراكر: “قوبا پيرێ ئالى ب ره‌خ جهه‌كێ شوونوارى ڤه‌يه، ب به‌هانه‌يا ڤێ چه‌ندێ جهێن په‌يوه‌نديدار برياردايه و گۆتينه دڤێت ئه‌و قوب بێته هه‌لوه‌شاندن و نابت جهێن ئۆلى ب ره‌خ ڤى شوونوارى ڤه بێنه ئاڤاكرن.”
نه‌ديم ئه‌ركێش، ڕاگه‌هاند ” ل به‌رێ بتنێ كانيا ئاڤا پيرێ ئالى هه‌بوو، ژبه‌ر پيرۆزييا وى، ئێزدى ڕابوون قوبه‌ك ل سه‌ر وێ كانيێ دا ئاڤاكرن و پيرۆزيێ دده‌نێ. ”
ئاماژه ب وێ چه‌ندێ دا، داخوازێ ل جهێن په‌يوه‌ندار دكه‌ين ڤێ بريارێ ب هه‌لوه‌شينن و ڤه‌گه‌رينه ڤه و ئه‌ڤ قوب نه‌ئێته خرابكرن.