ناڤه‌ندا نوچه‌یان – سه‌ما
مەسرور بارزانی، سەرۆکێ حکومەتا هەرێما کوردستانێ ڕاگەهاند، ڤێ هەفتيێ ڕێکكەڤتننامەیا گرنگا وزێ هاتە ئيمزاكرن، گۆتژی: هه‌ڤپشكییا ل گه‌ڵ ئه‌مریكا دێ بهێزتر كه‌ینه ڤه.
شەمبوويێ، ٢٤ئه‌یارا ٢٠٢٥، مەسرور بارزانی، سەرۆکێ حکومەتا هەرێما کوردستانێ د پلاتفۆڕما ئێکس دا نڤیسیيە: “ڤێ هەفتيێ ڕێکكەڤتننامەیا گرنگا وزێ هاتە ئيمزاكرن، مە دانوستاندن ل دۆر پێشڤه‌برنا بازرگانیێ ل گەڵ هه‌ڤپشكێن ئەمریکی کر و دابینکرنا خۆشگوزەرانیێ بۆ گەلێ کوردستانێ و هەموو عيراقێ کر.”
سەرۆکێ حکومەتا هەرێما کوردستانێ ئاماژە ب وێ چه‌ندێ ژی کر، هه‌ڤپشكییا ل گه‌ڵ ئه‌مریكا دێ بهێزتر كه‌ینه ڤه.
شەمبوويێ ٢٤ئه‌یارا ٢٠٢٥، مارکۆ ڕوبیۆ، وەزیرێ دەرڤەیێ ئەمریکا د تۆڕا جڤاكى يا ئێکس دا نڤیسیيە: ل گەڵ مەسرور بارزانی، سەرۆک وەزیرێن هەرێما کوردستانێ کۆمبووين.
ڕوبیۆ ئاماژە ب وێ چه‌ندێ دا، د ڤێ کۆمبوونێ دا پشتگیریا بەردەوام يا ئەمریکا بۆ بهێزی و خۆڕاگریا هەرێما کوردستانێ دووپات دكه‌ين کو بۆ سەقامگیریا عيراقێ و سنوورێ ده‌ڤه‌رێ يا گرنگە.
ئێڤارييا ڕۆژا دووشەمبوويێ ١٩ئه‌یارا ٢٠٢٥، مەسرور بارزانی، سەرۆکێ حکومەتا هەرێما کوردستانێ، د چارچووڤێ سەره‌دانا فەرمیا خۆ دا بۆ ئەمریکا، د ڕێوڕەسمەکێ دا ل ژۆڕا بازرگانیا ئەمریکا دا ل واشنتن، سەرپەرشتی و چاڤدێریا ڕێوڕەسمێن ئیمزاکرنا دوو ڕێککەفتننامەیێن گرنگ د بياڤێ وزێ دا کر.