ناڤه‌ندا نووچه‌يان – سه‌ما
پشتى ڤه‌كرنا سايده‌كێ جووتسايدێ ڕێيا شێخان بۆ په‌رستگه‌ها لالش، ڕێژا زياره‌تكارا ڕۆژانه بۆ په‌رستگه‌ها لالش زێده‌بوويه و سوپاسيا حكومه‌تا هه‌رێما كوردستانێ دكه‌ن.
لوقمان سلێمان، به‌رپرسێ ڕاگه‌هاندنا په‌رستگه‌ها لالش، ئيڕۆ ئێك شه‌مبوويێ 8ى حوزه‌يرانێ، بۆ سه‌ما ڕاگه‌هاند: سايدێ ئێكێ يێ جووتسايدێ ڕێيا شێخان بۆ لالش هاتيه ڤه‌كرن و نوكه ڕێژه‌كا زۆر يا زياره‌تكارا سه‌ره‌دانا لالشێ دكه‌ن و ڕێ گه‌له‌ك ئاسان و خۆشبوويه بۆ هاتنوچوونا خه‌ڵكێ بۆ په‌رستگه‌هێ.
به‌رپرسێ ڕاگه‌هاندنا په‌رستگه‌ها لالش ديار ژى كر، كۆمپانيا جێبه‌جێكار كار ل سه‌ر سايدێ دووێ يێ ڕێ دكه‌ت و ئه‌م سوپاسيا حكومه‌تا هه‌رێما كوردستانێ دكه‌ين بۆ ئه‌نجامدانا ڤى پرۆژێ گرنگ.
پرۆژێ جووتسايدێ ڕێيا شێخان بۆ په‌رستگه‌ها لالش ژلایێ حکومەتا هەرێما كوردستانێ ڤه دئێته بجهئينان و سه‌رۆكێ حكومه‌تا هه‌رێما كوردستانێ ڕێزدار مه‌سرور بارزانى گرنگیەکا ئێکجار دایە دروستکرنا ڕێيێن گشتی، بۆ هندێ زێدەتر ببنە رێکخۆشکەر ژبۆ خزمەتکرنا وه‌لاتیان.
پرۆژه ب دیزاینه‌کێ جوان و تیمێن شارەزا کاری ل سەر دكه‌ن و درێژاهىيا ڕێ 10 كيلۆمه‌ترن و لدووڤ ساخله‌ت و ستاندارێن مودرێن دئێته بجهئينان.
