ناڤه‌ندا نووچه‌يان – سه‌ما
ئەنجوومەنێ ئێزدیێن سووریێ پێشوازی ل ئاڤاکرنا شاندا کوردی ژ بۆ دانووستاندنان ل گەڵ حکومەتا شامێ کر و پشتەڤانیا خۆ ژێرە نیشان دا.
ئەنجوومەنى د به‌ياننامه‌يه‌كێ دا، ئاڤاکرنا شاندا کوردی ب گاڤا وێرەک ب ناڤ کر و بلند نرخاند و گۆت کو ل خۆگرتنا شاندێ ژ دۆزا کوردێن ئێزدی ڕا رەواتیەکا زێدەتر دایە داخوازێن وێ.
ديار ژى كر، بانگ ل ھەموو ھێز و ئالیان ھەروەسا ل کەسایەتیێن نيشتیمانی و ديمۆکراسی و رێخستنێن جڤاکا سڤیل دكه‌ين کو ل پشت ڤێ شاندى ڕاوەستن ژبۆ چەسپاندنا مافێن ھەموو پێکھاتەیان ل سووریێ.
ئاماژه ب وێ چه‌ندێ دا، نەبوونا کەسیاتیەکا ئێزدى د شاندا کوردی دە کێماسیەکە و ئەو ھيڤی دکه‌ن د قۆناغێن بێت دا ئەڤ کێماسی نەمینە، ب ڕێیا بەشداريکرنا کەسایەتیێن ئێزدی د کۆیتێن تایبەتێن کو دێ ئێنه ئاڤاکرن.
ل داویێ دە، ئەنجوومەنى دیارکر، ئەو ئامادە نە ھەموو کارینێن خۆ بخن خزمەتا شاندا کوردی و بەلگەیێن دەرباره‌ى مافێن کوردان پێشکێشی وى بکه‌ن.
بڕياره پشتى جه‌ژنا قوربانێ، شاندا كوردى بۆ دانوستاندنێ سه‌ره‌دانا ديمه‌شقێ بكه‌ن و ل گه‌ڵ حكومه‌تا سووريێ كۆم ببن، ئێك ژ داخوازيان ئه‌وه د ده‌ستووريێ نوو يێ سووريێ دا دانپێدانێ ب ئۆلا ئێزديان بكه‌ن.