سهما
کەمال پیر مچۆ ل سالا ١٩٧٥ ل كۆمەلگەها دۆهلا ل قنتارا چیایێ شنگالێ دناڤ مالبەتەکا خەباتکار و هونەرمەند دا چاڤێن خۆ ل دنیایێ ڤەکرن.
هەر ل دەمێ زارۆکینیێ دا بوو شەیدا و عەشقێ سترانا شنگالی و ل پهی ڕێك و ڕێبازا باب و باپیرێن خۆ پیر مچۆ و پیر گرۆ چۆ.
ئێكهم تيپا هونەری بناڤێ “پير مچۆ” دامەزراند و ب ڤێ چەندێ بوو ئێک ژ پێشەنگێن پاراستنا کەلتوور و سترانا چیایێ شنگالێ.
لێ ژبەر زەحمەتی و ئاستەنگێن ژیانێ و سیاسەتا ژ لایێ ڕژێما بهعس یا عیراقێ ژ ناڤچوویی ڤە، ستهم ل مالبەتا وان دهاتە کرن، لهوران نەچار دبت دگەل مالباتا خوە بەرەڤ ئەوروپا و ب دەستنیشانکری ڤه بەرەڤ وەلاتێ ئەلمانیا رێکا کۆچبەریێ ب گرتە بەر.
سترانێن ل سهردەمێ کۆچبەریێ چێکرین پتریا وان دەربڕین ژ غەریبێ و هونەرەکا پاقژ و رەسەن دکرن، لێ پشتی مرنا مامۆستایێ وی یێ ئێکێ بابێ وی پیر مچۆیی، ئیدی حزرەت و ئاخینکێن کوور د سترانێن وی دا دهاتنە گوھ لێ بوون.
(خوزی من کاریبا چەرخا فەلەکێ راوەستینم
خوزی من کاریبا دەمێن بەرێ ڤەگەرینم)
ئەڤە ئەو گۆتنن یێن کەمال پیر مچۆیی ژ هەستەکی تژی غەریبی و ب حزرەت ڤە دارشتی ل سەر نووتێن مۆزیکێ لێ پشتی ڤی سترانێ ئیدی نەساخی ب ئاوایەکی ئەبەدی ژ بۆ وی بوو هەڤال.
پشتی خزمەتکرنا ٣٣ سالان ژ بۆ چاند و هونەر و سترانا دەڤەرا شنگالێ ل ١٨ / 6 / ٢٠٢١ ژ ئەگەرێ نەخۆشیەکا گران ل وەلاتێ ئەلمانیا كۆچا داویێ کر.