ناڤهندا نووچهیان – سهما
فلمەکێ ديکیۆمێنتاری ل دۆر پیشەیا “کەبن” (اللباد) ل شنگالێ هاتە نیشاندان، ئەڤ پیشەیە ئێکە ژ کارێن دەستی یێن کەڤنار و ڕەسەن یێن دەڤەرێ کو بەرەف نەمانێ ڤه دچت.
ب ئامادهبوونا كۆمهكا گهنج و مامۆستا و ڕهوشهنبيران، دوهى ئێك شهمبوويێ 22-3-2026، مالا ڕەوشەنبیری و جڤاکی ل كۆمهلگهها بۆرک ل شنگالێ و ب هەماهەنگی دگەل يانهيا شنگال یا سینەمایی، فلمەکێ ديکیۆمێنتاری ل دۆر پیشەیێ کەبن نیشاندا.
ئەڤ فلمە تیشکێ دئێختە سەر ئێک ژ پیشەیێن دەستی یێن کەڤنار کو مەترسییا ژناڤچوونێ ل سەرە، و گرنگییا وێ یا ڕەوشەنبیری و مرۆڤایەتی دیار دکەت، كو رژدييێ ل سهر پاراستنا ڤی کەلەپووری بۆ نفشێن بێت دكهت.
فلمێ ناڤبرى ژ دەرهێنانا هەردو دەرهێنەران رێناس بابهکر و یاد دین) بوو، کو تێدا ب هووربیری باس ل ديرۆك و گرنگییا ڤی کارێ كهلتوورێ کریيە.
ئارمانج ژ ڤێ چالاکییێ زێدەکرنا هۆشیارییا جڤاکی بوو بۆ پاراستنا شوونوار و کەلەپوورێ باب و کالان ژ وندابوونێ.
