ناڤه‌ندا نووچه‌يان – سه‌ما
سەرۆکی حکومەتێ ل کۆمبوونا جڤاتا وەزیران ده‌ربارەی مووچەيى گۆت: ئه‌ڤ بابەته گرنگترین بابەتە ل دەف مە.
مەسرور بارزانی، سەرۆکێ حکومەتا هەرێما کوردستانێ ل کۆمبوونا ئيڕۆ يا جڤاتا وەزیران گۆتژى: ئه‌ڤه دوو ڕۆژە نامه بۆ دادگه‌ها فیدراڵى هنارتییه و ئەم چاڤەڕێنە و هیڤیدارین دادگەهـ د قازانجا خەڵکێ كوردستانێ و مووچەخۆرێن هه‌رێما كوردستانێ بڕیارێ بدەت.
جڤاتا وەزیران، ب سەرپەرشتیا مەسرور بارزانی، سەرۆكێ حكومەتا هەرێما كوردستانێ و ب ئامادەبوونا قوباد تاڵەبانی، جێگرێ سەرۆكێ حكومەتا هەرێمێ، ل کۆمبوونا ئاسایی دایە و سێ بڕگەيان گۆتوبێژ كه‌ن.
ب گۆڕه‌ى ڕاگەهاندنا ڕۆژنامەڤانی يا فەرمانگەها میدیا و زانیاریيان يا حكومه‌تا هه‌رێمێ به‌ڵاڤكريه، ل بڕگەیا ئێكێ يا کۆمبوونێ دا ڕه‌وشا ده‌ڤه‌رێ، شه‌ڕ، پێشهاتێن سیاسى و ئێمناهی و سه‌ربازى و كارتێكرنێن وێ ل سه‌ر هه‌رێما كوردستانێ، دێ ئێته گۆتوبێژكرن.هەروەسا بڕگەيا دووێ تایبەتە دێ دانوستاندن ل سەر پێشنیازا وه‌زاره‌تا ناڤخۆ یا تایبه‌ت ب درێژكرنا بڕیارا لێخۆشبوونا 20%ـێ ژ سزایێن هاتنوچوونێ بۆ شه‌ش هه‌یڤێن دى ئێته‌كرن.
د بڕگا سێیدا، دووڤچوون بۆ بڕیارا پێشتر یا جڤاتا وه‌زیران ب دامه‌زراندنا ده‌رچوویێن كۆلێژا نۆشدارییا گشتى دێ ئێته‌كرن و نڤیسارا وه‌زاره‌تا داراییا فیدراڵ دێ ئێتە به‌رچا‌ڤكرن.