ناڤهندا نووچهيان – سهما
ناحيا باشيكێ ب باژێرێ پێكڤهژيانێ ناڤداره، ههموو ئۆل و نهتهوه ب ئاشتيانه تێدا دژين و ناڤودهنگيا خۆ ل سهر ئاستێ پارێزگهها نهينهوا و عيراقێ ههيه.
ئيڕۆ ئێك شهمبوويێ، 22-6-2025، جهلال ئهلياس، ڕۆژنامهڤانێ ئێزدى ل ناحيا باشيكێ بۆ سهما گۆت: پشتى ڕێكخراوا داعش يا تيرۆرستى دهست بسهر دهڤهرێ دا گرتى، ئێزدى و پێكهاتێن دهڤهرێ ئاوارهى دهڤهرێن ئارامێن ههرێما كوردستانێ بوون، نوكه پرانيا ئێزديان ب تايبهتى ڤهگهڕياينه سهر مال وحالێ خۆ ڤه و ئهوا مهزارگههێن پيرۆزێن هاتينه پهقاندن، دووباره ژلايێ خێرخوازان ڤه هاتنه نووژهنكرن و ڤهكرن، وهكى بهرێ ڕێورهسمێن ئۆلى ب ڕێڤهدبهن.
دهربارهى ڕێژا ئێزديان ل ناحيێ، جهلال ئهلياس دبێژت: پتريا خهڵكێ باشيكێ ئێزدى نه و ڕێژا نێزيكى 85% يا سهنتهرێ ناحيێ پێكدئينن.
ئاماژه ب وێ چهندێ دا، ههموو ئۆل و نهتهوه ل باشيكێ ب گيانهكێ برايهنى و ئاشتيانه دژين و پێكڤهژيان دناڤبهرا واندا بهێز و پێشڤهچوويه.
ناحيا باشيكێ گرێدايى قهزايا مووسلێ يه و دكهفته دهشتا نهينهوا ب دووراتيا 12 كيلۆمهتران ل باكورێ ڕۆژههلاتێ مووسل، ل ساڵا 2016هێزێن پێشمهرگهيێن كوردستانێ ژ دهستێن تيرۆرستێن داعشێ ڕزگاركر.