ناڤهندا نووچهيان – سهما
ئێكهم ڕۆژا رۆژیێن چلێ هاڤینێ ژ11ی حوزیرانێ دەست پێ دكهت و ل 20ی تیرمەهێ ب هژمارا ڕۆژهلاتی ب داوی تێت، ئانكو 24ی حوزهیرانێ دەست پێ دكهت وهەتا2ی تەباخێ ب هژمارا زاینی.
سهباح سمير، بهرپرسێ ڕاگههاندنا بابێ شێخێ ئێزديان، ئيڕۆ21-6-2025، بۆ سهما گۆت: ل ڕۆژا 23ى ڤێ مههێ ل هێڤارا چلێ چاڤينێ بابێ شێخێ ئێزديان “شێخ عهلى شێخ ئهلياس” دگهڵ جۆقهتا خۆ و کەسایەتیێن ئۆلى دێ بۆ دهمێ دوو ڕۆژان ل پهرستگهها لالش بهرههڤ بن.
دبێژت: ب حسابا ئێزديان 24-6-2025، ئێكهم ڕۆژا چلێ هاڤينێ يه و 2-8-2025 دبته جهژنا چلێ هاڤينێ.
رێورەسمێن دەسپێكرنا ڕۆژیا ئێكێ ل پەرستگەها لالش دئێنە كرن ل هێڤارا ڕۆژیێن چلێ هاڤینێ جڤاتا رۆحانی و هەر چلەگرەكی ل دەڤەرێ و نێزیكی پەرستگەها لالش ژ شكەستی و زانایێن ئێزدیان ل ڕێورەسمێن دەسپێكا گرتنا ڕۆژیێن چلێ هاڤینێ بەرهەڤ دبن دگەل بابا شێخ و وجۆقەتا وی پشتی هێڤاری ل لالشا نوورانی ل چلەخانێ كۆم دبن و دوعایەكا پێكڤە دكهن دناڤا چلەخانێ دا هەر ئێک ژ وان تۆبەرکا خوە ژ چلەخانێ دگەل خۆ هەلدگرن و دڤێن ب رۆژی بن دگەل خۆ دبەن.
رۆژا ئێكێ ل لالش دمینن و هێڤاری هەر كەسەكی بمینت دروستە و كەسێ بڤێت دێ ئێتە مال ژی فتاربت دێ چل ڕۆژیێن دیتر ل مال تەمام كهت، ل هێڤارا چل ڕۆژیان دێ هندەك ڕێورەسمێن دیتر ئێنە گێڕان و ڕۆژا چلەی دبتە جەژن.
ئەڤ چلە ب دەمی ڤە گرێدایە دڤان ڕۆژێن گەرم و درێژ دا زەلامێن ئۆلی و هەر ئێزدیەكی بڤێت چل ڕۆژیان ژبۆ خودێ دگرت.
د باوەریا ئێزدیان دا چلێ هاڤینێ و چلێ زڤستانێ گرنگیەكا مەزن هەیە و کەسایەتیێن ئۆلی و شکەستی یێن ئێزدیان ب رۆژی دبن و خەلکێ گوند و دەڤەرێن ئێزدیان قەستا چلەگرا دکن ژ بۆ کو ئەوان کی بەهرا خوە د وێ خێرێ دا هەبت ، هەر مرۆڤەكی ئێزدی ڤان ڕۆژیێن چلێ زڤستانێ وچلێ هاڤینێ بۆ دەمێ (٢٠) سالا ب رۆژی بت دبێژنێ (چلەگر).
ئەو كەسێن چل ڕۆژیێن چلێ هاڤینێ و زڤستانێ ب ڕۆژی دبن و خۆ خەولە دكهن ژبۆ پەروەرستەبوونێ و دوعاكرنێ و پرسینا قەولان ، ل هەر چل ڕۆژ و شەڤێن رۆژیا ، خۆ ژ خۆشی و لەفزەتێن دنێ دوور دكهن.