سهما
ياسمين كهريم شێخ شهرۆ، كچهكا سهركهفتيا ئێزدى يه، ب كارێ تێكهڵكرنا ديزاينا جلوبهرگێن ئێزديان و كوردى و ئهورۆپى ڕادبت، لدووڤدا دفرۆشته حهز ژێكهرێن ڤان ديزاينان.
دیزاینێن وێ سەرنجڕاکێشن؛ بۆ نموونە كراسهكێ جلوبهرگێن کوردی گوهۆڕی كو وهسا دەربکەڤت کو سەر ب بنەماڵەكا شاهانە يا ئەورۆپی بت، هەروەسا “جەمهدانی” يا کوردى ب شێوەیەکی نموونهيى چێكريه.
شەمبوويێ، 5ـی تهموزا 2025، ياسمين كهريم شێخ شهرۆ، دهربارهى كارێ خۆ بۆ سهما گۆت: ئهڤه ماوێ چهندين ساڵانه دبياڤێ ديزاينێ دا دا كار دكهم، نوكه ل گهڵ خوشكا خۆ دلڤين كهرين ب كارێ ديزاينكرنا جلوبهرگێن كوردى تا يبهت ب كچ و ژنان ڕادبين.
ياسمين كهريم ديار ژى كر، دگهڵ پێشڤهچوونا جيهانا ديزاينا جلوبهرگان، مهترسى ل سهر ژناڤچوونا جلوبهرێن فلكلۆرى يێن كوردى ههيه، دڤى دهربارهى دا، مه بڕيار دا ب گيانهكێ ههڤچهرخ کو ڕەسەنایەتی و شارستانيهتێ تێکەڵ بکهت، بۆ هندێ ل گەڵ سەلیقەيێن جیاواز دا بگونجت و ههڤسەنگ بت ل گەڵ داخوازيێن سەردەمێ نوكه دا، ههروهسا داكۆكى ل زنديكرن و پاراستنا ڤێ كهلتوورێ كوردى كرييه، بۆ دابينكرنا جلوبهرگێن ڕهسهن يێن كوردى ب نهريت و سيمايێ خۆ يێ كهڤنار بێى كو دهستكاريێ تێدا بكهين.
دبێژت: پتريا كارێ خۆ ب شێوێ ئۆنلاين ئهنجام ددهين، كو ديزاين و نهخشهيان بۆ درواركاران ل ههرێما كوردستانێ ڤرێ دكهين، داكو ستايلێن جوان و گونجاى بۆ گهنجێن كورد ل ئهورۆپا دروست بكهن.
ديار ژى كر، ئارمانجا وان هاندانا گهنجانه شانازيێ ب كهلتوور و جلوبهرگێن خۆ يێن ڕهسهن ببهن و دخوازن كارێ خۆ پتر بهرفرههـ بكهن.
خانم ياسمين، خهڵكا ناحيا باعهدرێ يه و نوكه ل گهڵ خێزانا خۆ ل وهڵاتێ ئهلمانيا دژيت.