ناڤەندا نووچەیان – سەما
ئهندامهكێ پهرلهمانێ عێراقێ ل سهر فراكسيۆنا پارتى ديموكراتى كوردستان ئاماژه ب وێ چهندێ دا، حكومهتا عێراقێ ب ئهركێ خۆ ل ههمبهر مهزنترين جينۆسايدا بسهرێ خهڵكێ شنگالێ دا هاتى ڕانهبوويه.
مهحما خهليل، ئهندامێ پهرلهمانێ عێراقێ ل سهر فراكسيۆنا پارتى ديموكراتى كوردستان، دكۆنگرهيهكێ ڕۆژنامهڤانى دا ڕاگههاند: ئهڤه يازده ساڵ ل سهر جينۆسايدا ئێزديان ل سهر دهستێ داعشێ دهربازبوون، هێشتا باژێر وێرانه و خهڵك نههاتينه قهرهبووكرن و خزمهتگۆزارى ل شنگالێ دكێمن، پتريا خهڵكێ ل كهمپاندا ژيانا خۆ دبۆرينن.
ئاماژه ب وێ چهندێ دا، ل پهرلهمانێ عێراقێ دێ ئيمزايێن پهرلهمانتاران كۆم كهين و داخوازا تهرخانكرنا 100مليار ديناران بۆ قهرهبووكرنا شنگالێ كهين، ژبهركو هێشتا دهڤهرهكا وێرانه و قهرهبووكرن ل ئاستێ پێدڤى دا نينه.
گۆتژى: ژبهرنهبوونا خزمهتگۆزاريان، ڤهگهريانا ئاوارهيان ل كهمپان بۆ شنگالێ كێمبوويه.
ل تهباخا 2014، جينۆسايد ل دژى ئێزديان ل سهر دهستێ ڕێكخراوا داعش يا تيرۆرستى هاته ئهنجامدان، كو تاوانێن كرێت و ل دژى مرۆڤايهتيێ دهرههقێ ئێزديان ل شنگال ودهڤهرێن دهوروبهر ئهنجامدان، بگره ژ كوشتن بكۆم، ڕهڤاندن و سهبيكرن، دهربهردهرييا زۆرهمڵێ، ژ هنگى وهره، ئێزدى بزاڤێن بدهستڤهئينانا دادپهروهريێ دكهن، كو تيرۆرستێن تاوان كرين بێنه سزادان.