ناڤەندا نووچەیان – سەما
حكومهتا بريتانيا پشتهڤانى يا خۆ بۆ ئێزديان دووپات دكهت و دبێژت: كهيسا جينۆسايدێ جهێ گرنگيدانا وان بوويه.
دماوێ چهند ڕۆژێن بۆرى دا، مير حازم تهحسين بهگ، ميرێ ئێزديان ل كوردستان، عێراق و جيهانێ دگهڵدا مهيان خێرێ بهگ، خاتوونا ئێكێ يا ئێزديان و د.خهلهف شنگالى، شێوهرمهندێ سهرۆكوهزيرێن عێراقێ بۆ كاروبارێن ئێزديان و كونسۆل برين تهحسين بهگ، سهرهدانا وهڵاتێ بريتانيا كرن و ل گهڵ رايهدار و بهرپرسێن حكومى كۆمبوو.
دڤى وارى دا، خێرى شنگالى، سكرتێرێ ميرێ ئێزديان بۆ سهما ڕاگههاند: دچارچووڤێ سهرهدانا خۆ دا بۆ بريتانيا، مير ل گهڵ ههر ئێك ژ لورد كولينس، نوونهرێ سهرۆكوهزيرێن بريتانيا بۆ بهرههنگاربوونا توندوتيژيا جهستهيى ل دهمێ شهڕان و وهزيرێ مافێ مرۆڤى، دەیڤد سمیس، هنارتيێ حکومەتا بریتانیا بۆ ئازادیا ئایينان و باوەڕان، جڤاتا گشتى يا وى وهڵاتى كۆمبوونێن بهرههمدار كرن.
ئاشكراكر:” دڤان كۆمبوونان دا ميرێ ئێزديان ب تێر و تهسهڵى بهحسێ ڕهوشا ئێزديان كر و گۆت: جينۆسايد يا بهردهوامه و هێشتا ڕووفاتێن قوربانيان نههاتينه دهرخستن و گۆڕێن بكۆم ل ههموو دهڤهرێن شنگالێ ههينه هێشتا پتريا وان نههاتينه هلدان، جڤاكێ ئێزدى ژ كارهساتهكا مرۆڤى دناڵت و مانا ئێزديان ل كهمپێن ئاوارهبوونێ و نهبوونا ئاراميێ ل دهڤهرێن وان بوويه مهترسيهكا ڕاستهقينه ل سهر ئهوان، ئێزديان پێدڤى ب پشتهڤانى يا بريتانيا ههيه بۆ بزاڤێن لێگهريان و ئاشكراكرنا چارهنڤيسێ ڕهڤانديان، پشتى ژناڤچوونا ڕێكخراوا داعش يا تيرۆرى”.
دوپاتكر، ميرى داخوازكر پهنابهرێن ئێزدى ل برتيانيا ب زۆرهمڵێ نهڤهگهرينن و ههڤكار بن بۆ دووباره پێگههاندنا ڕزگاربوويان.
تهكهزكر، نوونهرێ سهرۆكوهزيرێن بريتانيا بۆ بهرههنگاربوونا توندوتيژيا جهستهيى ل دهمێ شهڕان و وهزيرێ مافێ مرۆڤى، پشتهڤانى يا تهمام يا وهڵاتێ خۆ بۆ ئێزديان دووپاتكر و گۆت: ل ههر كۆمبوونهكا ل ڕۆژههلاتا ناڤين بكهن، بهحسێ ڕهوشا ئێزديان دكهن و گرنگيێ ب كهيسا وان يا مرۆڤى ددهن.
دا زانين ژى، ميرێ ئێزديان داوى ب گهشتا خۆ بۆ بريتانيا ئينايه و نوكه ل ئهورۆپايه، كو ل بهره سهرهدانا پهرلهمانێن چهند وهڵاتان بكهت، ژبۆ گههاندنا دهنگێ ئێزديان ههڤدهم دگهڵ هاتنا ساڵڤهگهڕا جينۆسايدا ئێزديان ل سهر دهستێ داعشێ.
سەرەدانا میرێ ئێزدیان بۆ بريتانيا و وهڵاتێن ئەورۆپایێ گرنگییەکا مەزن هەیە ژچەند ڕوويێن جیاوازڤه، ئهو ژى ناساندنا ئۆلا ئێزدیان و داخوازاكرنا هاريكارى و پشتهڤانيێ بۆ جڤاكێ ئێزدى و دووبارهنهبوونا جينۆسايدان ل دژى ڤێ ئۆلێ ل پێشهرۆژێ دا.