ناڤەندا نووچەیان – سەما
رێڤهبهرێ گشتييێ كاروبارێن ئێزديان راگههاند، بڕیارا سهرۆكێ حكومهتا ههرێما كوردستانێ دهلیڤهیهكا گرنگ و مهزن بۆ رزگاربوويان پهیداكر و حكومهتا ههرێمێ دێ تێچوويێن خواندنا رزگاربوويان ژى ب ستۆيێ خۆ ڤه گرت.
سعوود مستۆ، رێڤهبهرێ گشتييێ كاروبارێن ئێزديان ل وهزارهتا ئهوقاف و كاروبارێن ئايينى راگههاند: ئاسانكاریێن مهسروور بارزانى، سهرۆكێ حكومهتا ههرێما كوردستانێ بۆ ڤەگەڕیان و بەردەوامیدان ب پرۆسهیا خواندنێ بۆ ڕزگاربوویێن ژ دەستێن تیرۆرستێن داعشێ، پێنگاڤهكا گرنگ و پشتهڤانیيهكا مهزنه، سوپاسيا سهرۆكێ حكومهتێ دکەین بۆ وەرگرتنا رزگاربوویان ل زانکۆ و پەیمانگەهان و ژ نها و پێدا ئهو دێ كارن خەونێن خۆ بكەنه راستی، پاشهرۆژا خۆ مسۆگەرتر بكەن و شيانێن خۆ پێشڤهببهن.
گۆتژى: ئهڤ پڕۆژهيێ گرنگ يێ سهرۆكێ حكومهتێ، رێخۆشكرنهكه بۆ رزگاربوويان يێن مهرجێن خواندنێ ژێ دگرن كو بكارن بهردهواميیێ ب خواندنا خۆ بدهن و ل زانكۆ و پهيمانگههێن ههرێما كوردستانێ بێنه وهرگرتن.
رێڤهبهرێ گشتييێ كاروبارێن ئێزديان ديار ژى كر، حكومهتا ههرێمێ تێچوويێن خواندنا رزگاربوويان ب ستۆيێ خۆ ڤه گرتيیه، ب مەبەستا ئاسانکاریێ بۆ ڤەگەڕیان و بەردەوامیدان ب پرۆسهیا خواندنێ.
ههروهسا گۆت: ئهڤ بڕياره، بهردهواميدانه بۆ پشتهڤانيكرنا بێ سنوور بۆ جڤاكا ئێزدى و نیشانا خەمخۆرییا مەسروور بارزانى، سەرۆکێ حکومەتا هەرێما کوردستانێ یە.
ل سەر فەرمانا سەرۆكێ حكومهتێ، ژمارەیەکا ئاسانکاریێن خواندنێ بۆ ڕزگاربوويێن ژ دەستێ داعش، ب تایبەت ڕزگاربوويێن ئێزدی دێ ئێنه كرن.