حوکمێ سێدارەدانێ بۆ تیرۆرستەکێ دەست د کۆمکوژییا ئێزدییان دا هەی، دەرچوو
گاڤ
جڤاتا دادوەرییا ئیراقێ ئەڤرۆ راگەهاند: حوکمێ سێدارەدانێ بۆ تیرۆرستەکێ داعشێ ب تاوانا کۆمکۆژییا ئێزدییان دەرکر.
جڤاتا بلند یا دادوەرییا ئیراقێ راگەهاند: دادگەها کەرخ حوکمێ سێدارەدانێ بۆ تیرۆرستەکێ داعشێ دەرکر کو وی و هندەک تیرۆرستێن دی ل زالگەهان ئێزدی دگرتن، دەما دکوشتن ژی ڤیدیۆ دکرن و ڤیدیۆیێن وان ل تۆرێن جڤاکی یێن سەر ب گرۆپێ تیرۆری ڤە بەلاڤ دکرن.
ژێدەری دا زانین ژی: وی تیرۆرستی ل پارێزگەهێن نەینەوا و سەلاحەدین دەست د هێرشکرنا هێزێن ئێمناهییا ئیراقێ ژی دا هەبوو.
دەرکرنا حوکمێ سێدارەدانێ بۆ وی تیرۆرستێ داعشێ، ل گۆرەی ماددەیێن 4 یێ سالا 2005ێ ژ یاسایا بەرهنگارییا تیرۆرێ و ماددەیێ 7 یێ سالا 2021ێ ژ یاسایا رزگاربوویێن ئێزدی بوو.