كاره‌با نيشتيمانى و موه‌ليده‌يان ل گوندێ سرێچكا كێمبوويه
سه‌ما
ل گه‌ل ده‌ستپێكرنا وه‌رزێ گه‌رما هاڤينێ ل گوندێ سرێچكا كێشه‌يا كێميا كاره‌با نيشتيمانى و موه‌ليده‌يان په‌يدابوويه، وه‌لاتى گازنده‌يان ژ ڤۆلتى و كێميا پێدانا ده‌ژمێرێن كاره‌با موه‌ليده‌يى دكه‌ن.
جڤاتا گوندى ل گه‌ل خودانێ موليده‌يى ڕێكه‌فتيه بۆ هه‌ر ئه‌مپێره‌كێ كاره‌بێ كوژمى 15 هه‌زار ديناران بێنه دان ل به‌رامبه‌ر پێدانا كاره‌بێ ژ ده‌مژمێر 11ى سبێ هه‌تا رۆژا دى 6ى سبه‌يكێ.
غازى حه‌سه‌ن،ئێك ژ ره‌وشه‌نبيرێن گوندێ سرێچكا سه‌ر ب ناحيا ئه‌لقووش بۆ(سه‌ما)خوياكر؛ژبه‌ر كێميا ڤۆلتيا كاره‌با موليده‌يى گه‌له‌ك ئاميرێن كاره‌بێ كار ناكه‌ن و خودانێ موليده‌يى يێ پێگير نينه ب ده‌مێ كاركرنا موه‌ليده‌يى و پێدانا كاره‌بێ بۆ وه‌لاتيێن گوندى.
دا زانين ژى ئه‌م نۆكه دگه‌ر‌ما وه‌رزێ هاڤينێ داينه،داخوازێ دكه‌ين جهێن په‌يوه‌نديدار چاره‌يه‌كێ ل كێشا كاره‌با موه‌ليده‌يى بكه‌ن.
هه‌ر ل دۆر ڤێ كێشه‌يێ سه‌ما په‌يوه‌ندى ب خودانێ موليده‌يى كر لێ بێ به‌رسڤ بوو.