ناڤەندا نووچەیان – سەما
ئیرۆ پێنج شەمبوویێ، 12ی شوباتا 2026، میر حازم تەحسین بەگ، میرێ ئێزدییان پێشوازی ل تیمەکێ تەکنیکی یێ وەزارەتێن ئاڤەدانکرن و ئاکنجیبوونێ و باژێرڤانییان یێن حکومەتا فیدڕال یێن سەرپەرشتییا ئاڤەدانکرن و نووژەنکرنا پشکەکا پەرستگەها لالش یا پیرۆز دکەن کر.
د هەڤدیتنێ دا، میرێ ئێزدییان ئاماژە دا ڕۆلێ د.خەلەف شنگالی، شێوەرمەندێ سەرۆکوەزیرێن عێراقێ بۆ کاروبارێن ئێزدییان بۆ پێشکێشکرنا پێشنیارا ئاڤەدانکرنا پەرستگەها لالش ل سەر بوودجەیێ حکومەتا عێراقێ.
هەروەسا بەحس ل وێ چەندێ کر، پەرستگەها لالش کەڤنترین پەرستگەها ئۆلی یا ئێزدییانە و ژ سەرانسەری جیهانێ ئێزدی و بالیۆز و کەساتییێن حکومی و گەشتیار قەستا وێ دکەن.
دوپاتکر، پشکەکا پەرستگەها لالش ل سەر بوودجەیێ حکومەتا هەرێما کوردستانێ و بەخشینەیا بالیۆزخانەیا ئەمریکا و خێرخوازێن ئێزدییان ڤە هاتییە نووژەنکرن.
لالش تاکە پەرستگەها پیرۆزا ئێزدییانە ل جیهانێ، کو دکەفتە قەزا شێخان سەر ب پارێزگەها دهۆکێ ڤە و ڕێورەسمێن هەموو جەژن و هەلکەفتێن ئۆلی لێ دئێنە کرن.
