هشێ مە نەمایە
ئەرێ کانێ ئەو کەیف و سەمایە
ئەو جەژن و سەیران و جەمایە
گەلیێ لالش ب دوعا و درۆزایە
نەڤرۆز وتواف بدهۆڵ و زڕنایە
دیلانا گەرا کانیێ یا ئەڤیندارایە
سۆزدار و خلمەتکار ل هیڤیایە
بازرگانێ ئۆل سیاسەتمەدارە!
هشێن مە وەکی بەرێ نەمایە !
لبالێ مەکانیا گوند یاگوندیایە
دارا کانیێ پشکێ بشکڤی دایە
گەلیێ کانیێ بهەژیر وبەهیڤایە
گوندیاتی ب هەڤرە وەک برایە
دڵ شەواتا ریهسپی یا ژدڵدایە
لپێ شۆپا باب وکالا رێبازا وایە
بدڵەکی راست هندەک ژڤانن
تشتێ دڵدا لسەر زمان خویایە
لێ دنیا چاخن هندەک نەزانن
لخیالدا چاخێ فەن و فێڵبازایە
دای ودۆتێ ڤێکرە دکەن دژمن
ژبرا وبرا توژکەرێ خەنجەرایە
ئەو نزانن قەدرێ ئۆجاخ زادە
زانیار و زانست ئەرزان بەهایە
دبێژە ئەزم زانایێ دین و دونیا
خەرقە پۆش و دیندار نەمایە
دراڤ دلۆڤانیا مرۆڤاتیا وایە
هنەرێ مە ژ گەنجاتی زریایە
ئەز دخڕڕیم لمەیدانا دژوار
دەمێ شانازیا شاهیا شێرایە
بێ دەنگی ب روڤییارە زێرە
لکۆمبونا قیژقیژا مەیمونکایە
نامینە ئەو کەیف و سەمایە
هشێن مە وەکی بەرێ نەمایە
