زيانێن ڤه‌خوارنا نيسكافيێ

سه‌ما

د بابەتەکێ مالپەرێ “lebanon24” دا ئاماژە ب دیارترین کاریگەریێن ب زیانێن ڤەخارنا نیسکافێ هاتیە کرن، ب ڤی شێوەی:
• زێدەبوونا دوودلیێ و فشارێن دەروونی؛ رێژەیەکا بلند یا کافایینێ تێدایە، کو دبیتە ئەگەرێ هاندانا کۆئەندامێ دەمار و دبیتە ئەگەرێ کێم خەوی و سترێس و تورەبوونێ، ب تایبەتی دەمێ ب رێژەیەکا زۆر بهێتە ڤەخوارن.
• تێکچوونا خەوێ؛ ڤەخوارنا نیسکافێ د ئێڤاران دا یان بەری نڤستنێ کارتێکرنەکا نەرێنی لسەر خەوێ دکەت و دبیتە ئەگەرێ کێم خەویێ، و ئەڤە ژی دبیتە ئەگەرێ وەستیان و ئاریشێن تەرکیزکرنێ ل رۆژا پاشتر.
• ئاریشێن گەدە و هەرسێ؛ زێدەهی د ڤەخوارنا نیسکافێ دا دبیتە ئەگەرێ خوریان و سۆتنا گەدەی و دل ڕابوون و هەتا هەوکرنا ریڤیکان د هندەک حالەتان دا.
• کێمیا مژینا هندەک ماددێن خوارنێ؛ دبیت نیسکافی رێگریێ ل مژینا ئاسنی و کالسیۆمی د خوارنێ دا بکەت، ب تایبەتی ئەگەر راستەوخۆ پشتی خوارنێ بهێتە ڤەخوارن، و ئەڤە ژی دبیتە ئەگەرێ کێمخوینیێ یان لاوازیا هەستییان د ماوێ درێژ دا.
• ئالودەبوون و گرێدانا دەروونی؛ ب بەردەوامی ڤەخوارنا رێژەیەکا زۆر یا نیسکافێ دبیتە ئەگەرێ ئالودەبوونا دەروونی، و ئەڤە ژی دبیتە ئەگەرێ وەستیانێ یان سەرئێشانێ دەمێ نەهێتە ڤەخوارن.
• زێدەبوونا لێدانا دلی و بلندبوونا زەختێ خوینێ؛ کافایین پاڵدەرێ دلی یە، و ئەڤە دبیتە ئەگەرێ نەرێکیێ د لێدانا دلی دا ل دەڤ هندەک کەسان، هەروەسا زێدەهی د ڤەخوارنا وێ دا دبیتە ئەگەرێ بلندبوونا پەستانا خوینێ.