وەزیرێ ناڤخۆ یێ حكومهتا هەرێما كوردستانێ دبێژت، هێشتا عەقڵییەتا ژناڤبرنا گەلێ کورد يا بەردەوامە و تهكهزى ل پشتهڤانييا بەردەوام يا حکومەتا هەرێما کوردستانێ بۆئێزديان و بجهئينانا ڕێککەفتنامەیا شنگالێ كر.
رێبەر ئەحمەد، وەزیرێ ناڤخۆ یێ حكومهتا هەرێما كوردستانێ د پشكهكا گۆتارا خۆ دا گۆت: ب مخابنى ڤه ههتا نوكه کەمترخەمییەک ژلایێ دەزگههێن فیدراڵ ڤه بۆ ب جینۆسايد ناساندنا كهيسا ئێزديان هەیە.
وەزیرێ ناڤخۆ گۆتژى: 11 ساڵ بسەر جينۆسايدێ دا دهربازبوون، کو ههتا نوكه چ دادگهههكا تایبەت بۆ دادگههكرنا تاوانبارێن داعشێ نههاتيه دامهزراندن و ب مخابنى ڤه ڕێگری ل حکومەتا هەرێما کوردستان هاته كرن دادگهههكا تایبەت بۆ ڤێ مەبەستێ دامەزرينت.
د پشكهكا دى يا گۆتارا خۆ دا پشتهڤانييا بەردەوام يا حکومەتا هەرێما کوردستانێ بۆ ئێزديان و بجهئينانا ڕێککەفتنامەیا شنگالێ دووپاتكر.
يازدهههمين ساڵڤهگهڕا جينۆسايدا ئێزديان، ئيڕۆ ل هۆڵا كۆنفرانسان ل زانكۆيا دهۆكێ ژلايێ بنگههێ لالش ل دهۆكێ هاته ل بيرئينان.