ناڤهندا نووچهيان – سهما
فهرماندهيێ هێزێن پێشمهرگهى ل شنگالێ ڕادگههينت، کۆچۆ ههردهم دێ ب دیدهڤانێ جینۆسایدا ئێزدییان مینت، ل سهر بدهستڤهئينانا دادپەروەریيێ و مافێن ئێزدییان دێ د بهردهوام بین.
قاسم شهشۆ، فهرماندهيێ هێزێن پێشمهرگهى ل شنگالێ ڕاگههاند، بیرهوهرييا خهمگین يا قڕكرنا گوندێ كۆچۆ ل 15/8/2014ێ ب دەستێن چهكدارێن ڕێکخراوا تیرۆرستی یا داعش، ب دلهكی خهمگین و دلشهوات دا بیر ئینانا جانگۆڕييێن کۆچۆ و هەموو قوربانيیێن جينۆسايدا ئێزدییان ساخ دكهینهڤه، و وان تاوانێن هۆڤانە ل بیرا خۆ دئینین یێن رووبروويى کەسوکارێن مە بووین و دێ وەکو شەرمەزاریيەکا مهزن د دیرۆكا تیرۆرێ دا مینت.
فهرماندهيێ هێزێن پێشمهرگهى ل شنگالێ ئاماژه ب وێ چهندێ دا، کۆچۆ ههردهم دێ ب دیدهڤانێ جینۆسایدا ئێزدییان مینت، و خوونا جانگۆرییان دێ د بیردانكا مە دا مینت.
دوپاتكر ژى، سۆزێ ددهین بۆ داخوازکرنا دادپەروەریيێ و ب دهستڤهئینانا مافێن ئێزدییان و دیاركرنا چارهنڤیسێ وندابووییان د بهردهوام بین.