ناڤەندا نووچەیان – سەما
د ناڤەندێن ئەکادیمی و زانستی دا، مامۆستا و ڤەکۆلەر (ئەرشەد حەمەد محۆ) شیا پلەیا خۆ یا زانستی ژ “مامۆستا” بۆ پلا “پڕۆفیسۆرێ هاریکار” ل زانکۆیا دهۆکێ بلند بکەت. ئەڤ پێشڤەچوونە پشتی جێبەجێکرنا هەموو مەرجێن زانستی و پێشکێشکرنا چەندین کار و ڤەکۆلینێن ئەکادیمی یێن بهێز هات
بڕیارا بلندکرنا پلا وی د کۆمبوونا ئاساییا جڤاتا زانکۆیا دهۆکێ دا ل رێكهفتی 8/3/2026ێ بۆ سالا خواندنا 2025-2026 هاتە پەسەندکرن.
ناڤبری ب رێکا ئەنجامدانا دوو ڤەکۆلینێن هوور د بوارێ مێژوو و جڤاکێ ئێزدییان دا ئەڤ پلەیە ب دەستخۆ ڤە ئینا، کو وەک زێدەبارییەکا گرنگ بۆ کەتوارێ زانستی و کەلتوورێ دەڤەرێ دهێنە هەژمارتن. ڤەکۆلین ژی ئەڤەنە:
-
ڤەکۆلینا ئێکێ: توثيق التاريخ الشفهي للأيزيديين من خلال النصوص الدينية المقدسة والاغاني التراثية
“دۆکیۆمێنتکرنا مێژوویا دەڤکی یا ئێزدییان ب رێکا تێکستێن ئۆلی یێن پیرۆز و سترانێن کەلەپووری”. -
ڤەکۆلینا دوویێ:تعامل واستراتيجية داعش مع اطفال الايزيدية اثناء وبعد احتلالها لسنجار 2014 “سەرەدەری و ستراتیژییا داعش دگەل زارۆکێن ئێزدی د دەمێ داگیرکرنا شنگالێ دا و پشتی وێ ٢٠١٤”.
تێ زانین پڕۆفیسۆرێ هاریکار ئەرشەد حەمەد محۆ، خەلکێ گوندێ “کەلێ بەدرێ” یە ل کۆمەلگەها شاریا، نوکە مامۆستایە ل زانکۆیا دهۆکێ.
ل دۆر ڤێ دەستکەفتا زانستی، ناڤبری د پەیامەکێ دا سوپاسییا هەموو مامۆستا، دکتۆر و هەڤالێن خۆ کر یێن د ڤێ رێکا زانستی دا هاریکار و پشتەڤان بووین.
