ناڤهندا نووچهيان – سهما
ئيرۆ ئێك شهمبێ، 14ـى حوزهيرانا 2026، زانکۆیا دهۆکێ ب فەرمی ڕاگەهاند کو پرۆسەیا ئهزموونان د ڕۆژێن بێهنڤەدانێ دا ژی دێ یا بەردەوام بت و نائێتە ڕاگرتن.
د ڕاگەهاندنەکێ دا، د. لقمان هادی حەسەن، هاریکارێ سەرۆکێ زانکۆیا دهۆکێ بۆ کاروبارێن زانستی و خواندنا بلند، ئاشکرا کر: هەموو ئهزموونێن ماین و ڕۆژێن وان دکەڤنە د ناڤ بێهنڤەدانێن فەرمی دا، دێ ل دووڤ دەم و خشتەیێ خۆ یێ دیارکری ئێنە ئەنجامدان و نائێنە پاشخستن.
ئاماژه ب وێ چهندێ دا، ئەڤ بڕیارە ژ پێخەمەت قەرەبووکرنا دەمێ ڕاگرتنا خواندنێ یە یێ کو پێشتر د ڤێ سالا خواندنێ دا ڕوودایى، دا کو پرۆسەیا ئهزموونان ل دووڤ وێ پلانا زانستی و خشتەیێ هاتیيە دەستنیشان کرن ب ڕێڤە بچت.
هاریکارێ سەرۆکێ زانکۆیا دهۆکێ ڕاگههاند ژى: داخوازێ ژ هەموو قوتابیيان دکەين پابەندی دەمێن ئهزموونان بن و ل دووڤ خشتەیێن خۆ ئامادە بن بۆ ئەنجامدانا ئەزموونان.