هه‌وا کۆمکرنا سامپلێن خوونێ یێن قوربانیێن ئێزدی دێ دەستپێکەت

ناڤه‌ندا نووچه‌یان – سه‌ما
هەوا نیشتیمانی يا کۆمکرنا سامپلێن خوونێ ژ كه‌سوكارێن قوربانیێن ئێزدی يێن ل سه‌ر ده‌ستێ تيرۆرستێن داعشێ هاتينه‌ كوشتن دێ دەستپێکەت.

تيما نيشتيمانى يا پێكهاتى ژ فه‌رمانگه‌ها نۆژداريا داد ل به‌غدايێ، ده‌زگه‌هێ شه‌هيدان، فه‌رمانگه‌ها پاراستنا گۆڕێن ب كۆم و بێ سه‌ر وشوونان ب هه‌ماهه‌نگى ل گه‌ڵ ليژنه‌يا نێڤده‌وڵه‌تى يا بێ سه‌ر و شوونان (ICMP)، دڕاگه‌هاندنه‌كێ دا به‌ڵاڤكر، ل 6-12-2025، دێ ده‌ست ب كۆمكرن و  وه‌رگرتنا سامپلێن خوونێ ژ كه‌سوكارێن قوربانیێن ئێزدی يێن ل سه‌ر ده‌ستێ تيرۆرستێن داعشێ هاتينه‌ كوشتن كه‌ن.

ديار ژى كر، جهێ كۆمكرنا سامپلان دێ ل ناحيا سنوونێ بت، بۆ هندێ ناسنامه‌يێن قوربانيان بێنه‌ ئاشكراكرن.

پێشتر ڕێكخراوا په‌تريكور بۆ مافێ مرۆڤى ل شنگالێ بۆ سه‌ما ڕاگه‌هاندبوو، هێشتا پترى 500ڕووفاتێن قوربانيێن ئێزدى ل به‌غدايێ ماينه‌ و چاره‌نڤيسێ وان نه‌هاتيه‌ ئاشكراكرن.