ناڤەندا نووچەیان – سەما
بابێ شێخێ ئێزديان دپهيامهكێ دا ڕاگههاند، داخوازێ ژ حكومهتا عێراقێ، ههرێما كوردستانێ و كۆمهلگهها نێڤدهوڵهتی دكهین، بزاڤێن خوۆ بۆ بدهستڤهئینانا دادپهروهریـێ بۆ دامهزراندنا دادگهههكا تایبهت بۆ دادگههكرنا وان بكهرێن ل دژی ئێزدیان تاوان ئهنجام داین بكهن.
پهياما بابێ شێخێ ئێزديان:
ا 3ى تهباخا 2014، گرۆپێ داعش يێ تيرۆرستى هێرش كره سهر قهزا شنگالێ و ئێك ژ كرێترين تاوانان ل ديرۆكا ههڤچهرخ دا ل دژى ئێزديان ئهنجامدان، بگره ژ كوشتنا بكۆم، ڕهڤاندن، دهستدرێژى و جڤاكێ نێڤدهوڵهتى بێ دهنگ مايه.
ل ڤێ بيرهوهرييا دڵتهزين دا، جانگۆرييان ل بيردئينين و ههڤدهنگین دگهڵ ڕزگاربوویان و بنهماڵێن وندابوویان كو ههتا نوكه چارهنڤيٍي وان يێ ديار نينه.
ههروهسان داخوازێ ژ وهلاتێن جیهانێ و رێكخراوێن نیڤدهولهتی دكهین ب تهمامی ل گۆر یاسایێن نیڤدهولهتی دانپێدانێ ب جینۆسایدا ئێزدیان بكهن.
ئهم رژدیێ ل سهر گرنگیا بهلگهكرنهكا سیستهماتیك یا ڤێ تاوانێ دكهین و پاراستنا وێ دكهین، داكو جینۆسایدهكا دی یا وهسا دووباره نهبتهڤه.
هیڤیدارین چارهنڤیسێ رهڤاندیان بهێته ئاشكهراكرن و ئۆپهراسیۆنا لێگهریانێ ژ لایێ پهیوهندیداران ب ههڤكاریا نهتهوهێن ئێكگرتی چرتركرن.
رژدیێ ل ئاڤهدانكرنا شنگالێ و نووژهنكرنا ژێرخان و دروستكرنا ژینگهههكا ب سلامهت دكهین، داكو ئاواره ب كهرامهت ڤهگهرنه جهــ و وارێن خۆ.
د ڤێ جینۆسایدێ دا ب تنێ خهلكێ ئێزدیێن شنگالێ نهبوونه ئارمانج بهلكو ههولا ژناڤبرنا ناسنامە و کولتوور و ئایینێ مه هاته دان.
داخوازا دامهزراندنا ناڤهندهكا نشتیمانی یان نیڤدهولهتی دكهین بۆ ب بهلگهكرنا جینۆسایدا ئێزدیان، شایهتحال د ژیانێ دانه فهره بهلگه ژ وان بهێنه وهرگرتن و بهێنهپاراستن، داكو بیردانكا نفشێن داهاتی و رایا گشتی یا نڤیدهولهتیدا ب مینت.
هاریكاری و پشتهڤانیا مرۆڤی د سالێن بۆری دا یا ههموو دهزگههــ و رێكخراوان ل ناڤخۆ و ژ دهرڤه بلند نرخینن.
جینۆساید دێ د وژدانا مه دا مینت و برینهكا كووره د بیرهاتنێن مه دا و رێكێ نادهین دووباره بت.
سلاڤ بۆ جانگۆریان، ئازادی بۆ رهڤاندی و وندابوویان، ئاشتی و ئارامی بۆ مللهتێ مه.
بابێ شێخ
شێخ عەلی شێخ ئەلیاس
٣ی تهباخا ٢٠٢٥