ناڤهندا نووچهيان – سهما
سبهى ڕۆژا ئێك شهمبوويێ 17-8-2025، ل كۆمهڵگهها دێرهبوونێ ل دهڤهرا ههوێريا دێ پێشوازى ل گهڕا تاووسێ ئێته كرن.
مسافر شێخ رهشۆ، مجێورێ مهزارگههێ عهڤدێ رهش ل كۆمهڵگهها دێرهبوونێ، بۆ سهما گۆت: پشتى گهڕا تاووسێ ل شنگالێ ب داوى هاتى، سبهى پشتى نيڤڕۆ دێ گههته گوندێ دێرهبوونێ و خهڵك پێشوازيێ لێ كهن.
مجێورێ مهزارگههێ عهڤدێ رهش دبێژت: گههلك دڵخۆشین ب هاتنا تاووسێ، دهمێ دچته ههر گوندهكى ل ئێڤاران هەموو ل ماڵهكێ کۆم دبن و شیڤێ دخۆن، ئەڤ نەریتە دبتە ئهگهر بۆ ئاشکرنا ئەوان كهسان يێن چەند ساڵان ب هەر ئهگهرهكى بت ناڤبهرا وان تێكچوو بت و هيڤيخوازين هاتنا خێر و خۆشى و تفاقێ بت بۆ مللهتێ مه.
خهڵكێ ههموو گوندێن ئێزديان ب تاوە، بخوور، جلوبهرگێن ڕەسەن يێن سپی يێن ئێزدیاتيێ و لێدانا دەف و موزیکا ئۆلى، پێشوازیێ ل “تاووسێ” دکەن.
وەکو نەریتهكێ ساڵانە، ڕێوڕەسمێن ئایینی يێن گەڕا تاووسێ ل گوند و کۆمەڵگەهێن ئێزدیان دگهرت، وهڵاتى ب گەرمی پێشوازیێ لێ دکەن و نەریت دبتە ئهگهرێ بهێزكرنا پەیوەندیێن جڤاكى دناڤبهرا ئێزدیان دا.
گەڕا تاووسێ، ژلایەکێ ڕێوڕەسمهكا کهڤنار يا ئایینییە، ژلایەکێ دى ڤه هێمایەکە بۆ کۆمڤهبوونا خهڵكێ گوندان و خزم و کەسوکارێ وان، هەروەسا دەبتە دەرفەتهك بۆ ئێكودووقهبووێكرنێ و گیانێ لێبووردەیێ دناڤبهرا وهڵاتياندا.