سه‌ما
بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ و ئنستتيۆتا لێكۆلينێن رۆژهه‌لاتى و سەنتەرێ ڤەکۆلینێن ئێزدیناسیێ ل زانكۆيا لایپزیگ ل ئه‌لمانيا، ياداشتنامه‌يه‌كا لێكتێگه‌هشتنێ ئيمزاكرن.
ل رێككه‌فتى 14ى ته‌باخا 2024ێ، ل ئاڤاهيێ ئنستتيۆتا لێكۆلينێن رۆژهه‌لاتى ل زانكۆيا ناڤبرى و ب مه‌ره‌ما خورتكرنا هه‌ڤكاريێ دبياڤێ لێكۆلينێن زانستى و خواندنێ و ئه‌كاديمى دا، ياداشتنامه‌يا لێكتێگه‌هشتنێ ژلايێ د.سيباستيان مايزل ڕێڤه‌به‌رێ جێبه‌جێكارێ ئنستتيۆتێ و د.سه‌عيد خودێدا جێگرێ سه‌رۆكێ بنگه‌هێ لالش ل دهۆكێ هاته ئيمزاكرن.
ياداشتنامه بوارێن نڤيسين،لێكگوهارتنا زانياريان ل سه‌ر ئێزديان، سازكرنا وۆركشۆپان،ئه‌نجامدانا كۆنفرانسان و چه‌ند بياڤێن ديتر يێن ئه‌كاديمى و بهێزكرنا شيانان بۆ خزمه‌تكرنا ئێزدى و ئێزديناسيێ بخۆڤه دگرت.
هه‌روه‌سا ياداشتنامه ژ رۆژا ئيمزاكرنێ دێ كه‌فته دبوارێ بجهئينانێ دا و كار ل سه‌ر به‌ندێن وێ يێن ئه‌كاديمى و ڕه‌وشه‌نبيرى ئێته كرن.
بنگه‌هێ لالش ئێك ژ سازيێن مه‌زن يێن ڕه‌وشه‌نبيرى و جڤاكى يێن ئێزديايه ل سه‌رانسه‌رى جيهانێ، كاردكه‌ت ژبۆ پاراستنا چاند و كه‌لتۆرێ ڕه‌سه‌نێ ئێزديان و دانه‌نياسينا ئێزدياتيێ.
ژ ئارمانجێن بنگه‌هێ لالش خورتكرنا په‌يوه‌نديان دگه‌ل سازيێن ئه‌كاديمى ل ده‌رڤه‌ى وه‌لاتى بوويه، بۆ هندێ نڤيسكار و ڤه‌كۆله‌رێن ئێزديان بكارن لێكۆلينان ل سه‌ر ئێزدياتيێ ئه‌نجام بده‌ن.
