سهما
خەمۆکیا وەرزى، جۆەکە ژ خەمۆکیێ کو د دەمەکێ ديارکری يێ سالێ دا ڕوو ددەت، ب گشتى د وەرزێ زڤستانێ دا دەمێ دەمژمێرێن ڕۆژێ کورتتر دبن.
نیشانێن خەمۆکیا وەرزی ئەڤەنە: هەستکرن ب دلتەنگیێ یان بێهیڤیبوونێ، کێمیا هێزێ، گوهۆرین د خەوێ و حەزا خوارنێ دا و ژ دەستدانا حەزا وان چالاکیێن کو تە بەری نها حەز ژێ دکر و نوکە ب زۆری تامێ ژێ وەردگری. ل مالپەرێ “clevelandclinic” ئاماژە ب چەند ئەگەر و چارەسەریەکا هاتیە کرن کو ئەڤەنە:
– چارەسەریا ب ڕوناهیێ: چاوانیا کارکرنا وێ، گەلەک جاران ئەڤ نەخۆشیە پەیوەندی ب کێمبوونا تیشکا ڕۆژێ ڤە هەیە د هەیڤێن پاییزێ و زڤستانێ دا. چارەسەریا ب ڕوناهیێ پێکدهێت ژ ڕینشتنا ل بەر ڕۆژێ ب شێوەیەکێ گشتی بۆ ماوێ نێزیکی ٢٠-٣٠ خولەکان هەموو سپێدەهیان.
– دژە خەمۆکی: دبیت دەرمانێن بهێنە هەلبژارتن ئەڤە بن (سیرۆتۆنین (SSRI) وەک فلۆکستین (Prozac) یان سێرترالین (Zoloft)) کو دهێنە نڤیسین بۆ هاریکاریێ د ڕێکخستنا بارێ دەروونی دا، و پێدڤیە ئەڤ دەرمانە ژ لایێ پسپۆرێ تایبەتمەند ڤە بهێنە نڤیسین.
– تەمامکەرێن ڤیتامین D: بۆ هندەک کەسێن تووشبووی ب ڤێ نەخۆشیێ دیاربوویە کو ڕێژا ڤیتامین D ل دەف وان کێم دبیت، ئەوا کو د پیستی دا دگەل تیشکا ڕۆژێ بەرهەم دهێت. تەمامکەرێن ڤیتامین D دشێن هاریکار بن بۆ باشترکرنا بارێ دەروونی.
– گوهۆرین د شێوازێ ژیانێ دا: وەک وەرزشکرن، چالاکیا لەشی یا بەردەوام، دشێت هاریکار بیت بۆ کێمکرنا نیشانێن خەمۆکیێ.