ناڤەندا نووچەیان – سەما
فەرمانگهها میدیا و زانیارييان يا حكومهتا ههرێما كوردستانێ ڕاگەهاند، ل گۆڕهیى گشتاندهكا سهرۆكایهتییا دیوانا جڤاتا وهزیران، ئێدى ڕێ ب چ كهناڵان و پهیچێن تۆرێن جڤاكى نائێته دان دیمهن و ڤیدیۆیێن ڕوودانێن تاوانان بهڵاڤ بكهن.
ئيڕۆ پێنج شەمبوويێ، 18ـی ئەیلوولا 2025، فەرمانگهها میدیا و زانیارييان يا حكومهتا ههرێما كوردستانێ ڕاگەهاند، ل گۆڕهیى گشتاندهكا سهرۆكایهتییا دیوانا جڤاتا وهزیران كو ئاراستهیى گشت وهزارهت و سازیێن حكومهتێ كریه، كو ئێدى ڕێ ب چ كهناڵان و پهیچێن تۆرێن جڤاكى نائێته دان دیمهن و ڤیدیۆیێن روودانێن تاوانان و تۆمهتباران و جهـ و دهمێ تاوانان بێنه ڕوومالكرن.
د ڕاگههاندنێ دا هاتييە؛ ئهڤ گشتاندنه ل سهر بنهمایێ داخوازییا داواكارییا دهستهیا سهربهخۆ یا مافێ مرۆڤى بۆ جڤاتا وزهیران هاتییهكرن، كو تێدا داخواز كريه، بۆ پاراستنا ڕێكا لێكۆلین و ئالیێن دهروونى و كۆمهلایهتى یێ ژیانا خهلكى و نهگوهۆڕینا روودانان بۆ دووبهرهكییا سیاسى و كۆمهڵایهتى، ژبهر ڤێ یهكێ ڕێ نائێته دان ڕوومالا ڕاستهوخۆ و نهراستهوخۆ بۆ تاوان و تۆمهتبار بێتهكرن، ئهڤه ژى بۆ سلامهتییا گشتى و ئاسایشا تاكى و كۆمهلگههێ یه، ڕێزگرتن ل سهر بنهمایێ لیكۆلینێن یاسایى و بنهمایێ مافێ مرۆڤى.