ناڤەندا نووچەیان – سەما
قوتابخانەیەکا ئۆلی و کەلتووری بۆ فێرکرنا زاڕۆکێن ئێزدی دێ ل وەلاتێ ئەلمانیا ئێتە ڤەکرن.
ئەڤ قوتابخانە ژ لایێ خێرخوازێن ئێزدییان ل باژێرێ شتوتگارد ل وەلاتێ ئەلمانیا ل هەفتیا بێت دێ ئێتە ڤەکرن.
ئارمانجا قوتابخانێ فێرکرنا بنەما و داب و نەریتێن ئۆلی ب زمانێ دایکە، هەروەسا پاراستن و گەشەپێدانا کەلتوور و فۆلکلۆرێ ئێزدییانە. وانە ژی دێ ژ لایێ مامۆستایێن تایبەتمەند و شارەزا ڤە ئێنە پێشکێشکرن.
داخوازێ ل هەموو دایک و بابان دکەن کو ناڤێن زاڕۆکێن خۆ بۆ تۆمارکرنێ ل قوتابخانێ بنڤیسن و بەشدارییەکا چالاک بکهن دا کو کەلتوور و ناسنامەیا ئێزدییان ب پارێزگاری بێتە پاراستن.