ناڤەندا نووچەیان – سەما
ئێك شهمبوويێ، 13ـی تەممووزا 2025، ب سەرپەرشتیا مەسرور بارزانی، سەرۆکێ حکومەتا هەرێما کوردستانێ کۆمبوونەكا تایبەت ل دۆر مووچەيى و شایستهيێن دارایى يێن خەڵکێ هەرێما کوردستانێ و دەستپێکرنا هنارتنا پهتڕۆڵا هەرێمێ هاته کرن.
د ڕاگەهاندنهكا حکومەتا هەرێما کوردستانێ دا هاتييە، ئيڕۆ ئێك شهمبوويێ، ب سەرپەرشتیا مەسرور بارزانی، سەرۆکێ حکومەتا هەرێما کوردستانێ و ب ئامادەبوونا قوباد تاڵەبانی، جێگرێ سەرۆکێ حکومەتێ، کۆمبوونەكا تایبەت هاته کرن دەربارەی داوى بزاڤ و دەرئەنجامێن دانوستاندنان ل گەڵ حکومەتا فیدراڵ تایبەت ب مووچەيى و شایستەيێن دارایی يێن خەڵکێ هەرێما کوردستانێ و هەرچ زوو دەستپێکرنا هنارتنا پهتڕۆڵا هەرێمێ.
د کۆمبوونێ دا، تهكهزى ل چركرنا هەموو بزاڤان دگەل حكومەتا فیدرال بۆ چارەسەركرنا ئاریشەیان كر، دڤی بیاڤیدا، كودەنگی و ئێك هەڵویستی بۆ دابینكرنا مووچەی و شایستەیێن داراییێن خەلكێ كوردستانێ هەیە، هەروەسا حكومەتا هەرێما كوردستانێ ل سەر كارێ هەڤپشك بۆ ب داوی ئینانا ڤان ئاریشەیان یا ڕژدە، كو جهێ داخێ يه كارتێكرنەكا گەلەك خراب ل سەر ژیان و ڕەوشا مووچەخۆر و وەلاتییێن هەرێما كوردستانێ ب گشتی هاتییە كرن، حكومەتێ ئەڤ بابەتە ل پێشییا خۆ دانایە، بەردەوام كار بۆ چارەسەركرنا وی دكەت.