ناڤهندا نووچهيان – سهما
بڕياره ل دستپێكا مهها بێت ڕێورهسمێن جهژنا جهمايێ ل پهرستگهها لالش دهستپێبكهن و ههموو ئاسانكارى بۆ پێشوازيكرنا زیارەتکارێن لالش هاتينه كرن.
سهبارهت بهرههڤى و پێشوازيكرنا جهژنا جهمايێ، ئيڕۆ 25ـی ئهيلوولا 2025، شاندەکێ هەڤپشک كو پێكهاتبوو ژ سهعيد جردۆ، سهرۆكێ بنگەهێ لالش ل دهۆكێ و داود موراد خهتارى، ئهندامێ بنگههێ لالش و سعود مستۆ، ڕێڤەبەرێ گشتييێ کاروبارێن ئێزدیان، سەرەدانا ڕێڤەبەریا گشتی یا ئاساییشا دهۆکێ کر ژبۆ گەنگەشەیا بەرهەڤیان بۆ پێشوازيكرنا جەژنا جەمایێ.
رێڤەبەرێ گشتییێ ئاساییشا دهۆکێ دياركر، ژبۆ پێشوازیکرنێ ل زیارەتکەرا هەموو هاریکاری و ئاسانکاری دچارچووڤێ یاسایێ و ڕێنمایێن ئەمنی ل سەرجەم زالگەهێن ئاساییشێ ژ مووسل بۆ شێخان دێ ئێنە کرن.
ساڵانه دگهڵ هاتنا جهژنا جهمايێ، ڕێژهيهكا زۆر يا ئێزديان ل ههموو دهڤهران سهرهدانا پهرستگهها لالش دكهن بۆ گێڕانا ڕێورهسمان.
زيارهتكارێن لالشێ بۆ دهمێ ههفت ڕۆژان ل پهرستگهها لالش دمينن و ڕێورهسمێن ئۆلى بجيدئينن.