ناڤهندا نووچهیان ــ سهما
سهرۆكێ حكومهتا ههرێما كوردستانێ سوپاسیا پسپۆرێن یۆنانێ دکهت بۆ هاوکاریكريێ بۆ بجهئينانا پڕۆژەیێ كهمهرا كهسكاتيا هەولێرێ و دبێژت “ڤهگهڕاندنا دارا زەیتوونێ ڕامانهكا مهزن هەیە بۆ هەرێما کوردستانێ.”
ئيڕۆ پێنج شهمبوويێ، 30ـی چريا ئێكێ 2025، مەسرور بارزانی، سەرۆکێ حکومەتا هەرێما کوردستان، ئێكهم دار ل پڕۆژەیێ كهمهرا كهسكاتيا هەولێرێ چاند و ئاماژە ب گرنگیا ڤهگەڕاندنا دارا زەیتوونێ بۆ دهڤهرێ و ڕۆڵی پسپۆرێن یۆنانی دا.
د گۆتارا خۆ دا، مەسرور بارزانی سوپاسیا “دۆست و پسپۆرێن یۆنانی” کر و وەکو خۆ گۆتی ” ل بجهئينانا پڕۆژهيى دا دێ هاريکاریا حکومەتێ کەن، ب تایبەتی ل بوارێ چاندنا دارا زەیتوونان دا.”
سهرۆكێ حكومهتا ههرێما كوردستانێ ئاماژە ب وێ چهندێ دا، پسپۆرێن یۆنانی گۆتيه مه ئەم دەڤەرە د ديرۆكێ دا ژێدهرێ سەرەکی يێ دارا زەیتوونێ بوو.” گۆتژى “ڤهگەڕاندنا دارا زەیتوونێ بۆ ڤان جهان ڕامانهما مهزن هەیە، هەم بەرهەمهكێ ب پیت و خێرە بۆ خەڵکێ ڤێ دهڤهرێ، هەم دێ مفايى ژێ وەرگرین بۆ ئارمانجا كهمهرا كهسكاتيا هەولێرێ.”
هەروەسا، مەسرور بارزانی سوپاسیا کەرتێ تایبەت ژى کر بۆ هاريکاریکرنا حکومەتا هەرێما کوردستانێ بۆ بجهئينانا پڕۆژەیێ كهمهرا كهسكاتيا هەولێرێ.
کابینەیا نههێ يا حکومەتا هەرێما کوردستانێ چەندین پلانێن ستراتیژی هەنە بۆ زێدهكرنا ڕووبەرێ كهسكاتيێ ل هەرێما كوردستانێ دا.