ناڤەندا نووچەیان – سەما
ئيڕۆ پێنج شەمبوويێ، 16ـی چريا ئێكێ 2025، شاندهكێ ئێزديێن روسيا سهرهدانا بنگههێ لالش ل دهۆكێ و كهناڵێ سهما كر.
شاندێ ئێزدیێن روسیا پێكهاتبوون ژ سياسهتمهدار، بازرگان و ڕەوشەنبیران سهرهدانا بنگههێ لالش ل دهۆكێ كرن و ژلايێ سهعید جردۆ، سهرۆكێ بنگههێ لالش و د.سهعید خودێدا، جێگرێ سهرۆكێ بنگههى و ئهندامێن دهستهیا بڵند ڤه هاتنه پێشوازیكرن.
د ههڤديتنێ دا، ههردوو ئاليان ڕهوشا ئێزديان پشتی 2014ێ ههتا نهۆ و ل دیاسپۆرایێ و مژارێن پەیوەندیدار ب پێشەرۆژا جڤاکا ئێزدیان ڤه ب شێوهيهكى گشتى بهحسكرن.
شاندى ڕۆلێ بنگههێ لالش بۆ ڕهوشهنبیریا كوردی و درێژهپێدانا پاراستنا چاند، كهلتوور و فلكلۆرێ كوردی و خزمهتا وان د ناڤ ئاواران دا بڵند نرخاند.
ههروهسا هەر دوو ئالیان دووپاتى ل سەر گرنگییا كارێن ههڤپشك و پێكڤهكاركرنێ و ههماههنگيا بهردهوام د ئايندهيى دا كرن.
ل دووڤدا شاندێ ئێزدیێن روسیا، سهرهدانا بارهگايێ كهناڵێ سهما تیڤی كرن و ژلایێ سهلام خێرى، ڕێڤهبهرێ كهناڵی و كارمهندان ڤه هاتنه پێشوازیكرن و گهريانهك دناڤ پشكاندا كرن و دهستخۆشى ل ستافى كر بۆ كار و خزمهتا پێشكێشى جڤاكا كوردستانێ ب گشتى و ئێزديان ب تايبهتى دكهن.
