ناڤهندا نووچهيان – سهما
ب مهرهما پێشڤهبرنا كهرتێ گهشتوگۆزارێ ل دهڤهرێ، دپلانا ڕێڤهبهريا ناحيا خانكێ دايه جههكێ گهشتيارى دروست بكهن.
ئێك شهمبوويێ، 19ـى چريا ئێكێ 2025، زەردهشت شێخ شامۆ، ڕێڤەبەرێ ناحیا خانکێ، بۆ سهما دياركر، وهكو پێنگاڤا ئێكێ ڕێيا ژ ناحيا خانكێ دچته سهر ئاڤا ڕووبارێ ديجلهيى هاتيه قێركرن و هاتنوچوونا گهشتياران و خهڵكێ بۆ سهر ئاڤێ گهلهك خۆش و ب ساناهى كهفتيه، كو دهمێن خۆ لێ ببوورينن.
گۆتژى: دپلاندايه جههكێ گهشتوگۆزارى ل سهر ئاڤا ديجلهيى ل لايێ خانكێ دروست بكهين، ئهگهر ل داهاتى ئاڤ وهكو ئاستێ بهرێ ڤهگهڕيا ڤه، ژبهركو نوكه ئاڤا بهنداڤا مووسل گهلهك كێمبوويه.
زەردهشت شێخ شامۆ ئاماژه ب وێ چهندێ دا، دهڤهرێ پێدڤى ب جههكێ گهشتيارى ههيه، كو دێ بته ئهگهرێ ڕهخساندنا ب دههان دهليڤهيێن كارى بۆ گهنجان، زێدهبارى گهشتيار دێ سهرهدانێ كهن و سيمايهكێ جوان پهيدا كهت، وهكو ههر دهڤهرهكا دى يا ههرێما كوردستانێ.
ناحيا خانكێ دكهفته قهزا سێمێلێ سهر ب پارێزگهها دهۆكێ ڤه، پتريا خهڵكێ وێ ئێزدينشينن و سهر ئاڤا ڕۆبارێ ديجلهيى يه.
ساڵانه و ب تايبهت ل وهرزێ هاڤينێ دگهڵ بڵندبوونا پلهيێن گهرمێ، خهڵكێ زۆر بۆ مهلهڤانيان و دهم بووراندنێ سهرهدانا ئاڤا خانكێ دكهن.