ناڤهندا نووچهیان – سهما
ل ڕۆژا شهمبوويێ 8-11-2025، ژبهر كارێن خۆبهخش و خێرخوازيێ ل وهڵاتێ ئهڵمانيا كهسايهتيهكێ ئێزدى هاته خهڵاتكرن.
ب گۆڕهى ڕاگههاندنا ماڵا ئێزديان ل ئۆلدنبۆرک بهڵاڤكرييه: دناڤا 60 خزمهتكاران دا ل ههرێما فيدڕاڵى يا ساكسونيا ژێرين، ژبهر كارێن خۆبهخش و خێرخوازيێ دبياڤێن جودا جودا، سهرۆكێ حكومهتا وێ ههرێمێ ڕێز ل ئهلياس يانج، سەرۆکێ مالا ئێزدیان ل ئۆلدنبۆرک و كهسايهتيێ ئێزدى گرت.
ههروهسا ئولاڤ لايز، سهرۆكێ حكومهتا ههرێما فيدڕاڵى يا ساكسونيا ژێرين پشتهڤانييا خۆ بۆ ماڵا ئێزديان دووپاتكر و سۆزدا ل ڕۆژا ئاڤاكرنا ئاڤاهييێ نوو يێ ماڵا ئێزديان بهرههڤ بت.
سهرۆكێ ماڵا ئێزديان سوپاسيا حكومهتێ كر كو ئهڤ ڕێزگرتن پێشكێشى وى كرى.
ماڵا ئێزديان ل ئۆلدنبۆرک د بياڤێن جودا جودا خزمهتا جڤاكێ ئێزدى ل وى باژێرى دكهت.