ناڤهندا نووچهیان – سهما
ههر ساڵ ل دهستپێكا ههيڤا دوازده، ب ئامادهبوونا بابا شێخ و خلمهتكاران چنینا زهيتوونان ل پهرستگهها لالش دهستپێدكهت.
لوقمان سلێمان، بهرپرسێ ڕاگههاندنا پهرستگهها لالش، ئيڕۆ پێنج شهمبوويێ، 13ـی چريا دووێ 2025، بۆ سهما دياركر، ب ئامادهبوونا ئێك ژماڵا ميرا و بابا شێخ و خلمهتكاران ژههموو گوندێن ئێزديان، رێورهسمێن چنينا زهيتوونان ههر ساڵ ل دهستپێكا ههيڤا دوازده دهستپێدكهن.
ناڤبرى ئاماژه ب وێ چهندێ دا، رهزێن زهيتوونان دكهڤنه دهستپێكا لالشا نوورانى و نێزيكى 800 دارێن زهيتوونان تێدانه، ل دهمێ چنينێ زهلام زهيتوونا دوهشينن و كچ و ژن وان زهيتوونا خرڤه دكهن و دگونيا دكهن و هێدى هێدى دبهنه جيهكێ تايبهت دا عهمبار دكهن و ههتا ههيڤا سێ، پاشى دێ وان زهيتوونا گڤێشن.
بهرپرسێ ڕاگههاندنا پهرستگهها لالش ديار ژى كر، زهيتا زهيتوونا ل لالشا نوورانى دئێته بكارئينان رۆژانه بۆ گوڕيكرنا 366چرايان.
گۆتژى: رێورهسمێن چنينێ بۆ ماوێ نێزيكى ههفت ڕۆژان دێ دبهردهوام بن.
ل ڤى دەمێ سالێ دا ھەر ساڵ كەسێن شكەستى يێن مالا شيخادى، چلەگر و كەسایەتیێن ئۆلی و خلمهتكارێن ئێزدیان ژن و زەلام ئەڤێن دڤێن خێرەكێ بكهن بۆ مالا شيخادى، قەستا لالش دكهن بۆ پشكداريا ڤێ خێرا پيرۆز.
پهرستگهها لالش تاكه جيێ پيرۆزێ ئێزديانه ل ههرێما كوردستانێ و سهرانسهرى جيهانێ، رێورهسمێن جهژن و ههڵكهفتێن ئۆلى و جڤاكى لێ دئێنه كرن و ئيزدى ل ناڤخۆ و ژ دهرڤهى وهڵاتى ڕۆژانه سهرهدانێ دكهن و زيارهتى خاس و چاكان دبن و هيڤى و دوعايان دخوازن.