ناڤهندا نووچهیان – سهما
نادیا موراد، بالیۆزا نەتەوەیێن ئێکگرتی بۆ نیازپاکیێ ل گەڵ گوستاڤۆ پێترۆ، سەرۆکێ کۆڵۆمبیا کۆمبوو.
نادیا موراد، باڵیۆزا نەتەوەیێن ئێکگرتی بۆ نیازپاکیێ، د تۆرا خۆ يا جڤاكى يا فهيسبۆكێ دا ڕاگههاند و دبێژت: ل گهڵ گوستاڤۆ پێترۆ، سەرۆکێ کۆڵۆمبیا كۆمبووين و بەحسا جینۆساید و توندوتیژییا سێکسی یا سیستەماتیک کر کو ژلایێ داعشڤە ل دژی جڤاکا ئێزدی هاتیە ئەنجامدان.
گۆتژى: من داخواز ژ سەرۆکێ وى وەڵاتی کر کو جینۆسایدا ئێزدییان ب فەرمی بناسینت و بچتە ڕێزا وان وەڵاتێن ئەڤ پێنگاڤا گرنگ هاڤێتی.
دا زانين ژى: ئەڤ دانپێدانه بنەڕەتییە بۆ پێشڤهبرنا دادپەروەری و لێپرسینێ بۆ ڕزگاربوويان و ئەوان خێزانان کو هێشتا خەباتێ دكهن بۆ بدهستڤهئينانا دادپەروەری و دادمهنديێ.
ب گۆڕهى سازيا (IYFPG) يا ئێزديان يا نێڤدهوڵهتى بۆ بهرهنگاربوونا كۆمكووژيێ، زێدهترى 20 دهسته و و وهڵاتان دناڤدا ههرێما كوردستانێ، ل سهرانسهرى جيهانێ دانپێدان ب جينۆسايدا ئێزديان كريه.