ناڤەندا نووچەیان – سەما
هەڤدەم دگەڵ دەستپێکرنا هەوا 16 ڕۆژی یا نەهێلانا توندوتیژییا دژی ژنان، هێشتا ب سەدان کچ و ژنێن ئێزدی دناڤ دەستێن تیرۆرستێن داعشێ دا ماینە و چارەنڤیسێ ئەوان یێ دیارنینە.
حسێن قائیدی، بهرپرسێ نڤیسینگهها ڕزگاركرنا ڕهڤاندیێن ئێزدی د داخۆیانیهكا تایبهت دا، بۆ سهما ڕاگههاند: هەتا نوکە 3593 ڕەڤاندیێن ئێزدی ژ دەستێ تیرۆرستێن داعشێ هاتینە ڕزگارکرن و نێزیکی 2500 ڕەڤاندیان ماینە و پتریا وان ڕەگەزێ مێنە.
گۆتژی: داخوازێ ژ جڤاکێ نێڤدەوڵەتی و ڕێكخراوێن مرۆڤی دکەین هەڤکار و هاریکار بن دگەڵ نڤیسینگەهێ بۆ ئاشکراکرنا چارەنڤیسێ ڕەڤاندیێن ئێزدی.
قائیدی دا زانین ژی: ل ههر جههكێ بزانین یان مه گۆمان ههبت كهسوكارێن مه دناڤدانه، ئهم دۆسەیهكێ ژبۆ ڕزگارکرنا وان ڤهدكهین و بزاڤێن مه دبهردهوامن بۆ ڕزگاركرنا ههموو ڕەڤاندیێن ئێزدى.
ل ڕۆژا 3/8/2014 تيرۆرستێن داعش هێرش کرە سەر شنگالێ و دەوروبەرێن وێ، د وێ هێرشێ دا 6 ههزار و 417 کەسێن ئێزدی هاتنە ڕەڤاندن، كۆمكوژ و بێ سەروشوونکرن.