ناڤەندا نووچەیان – سەما
سبا ئیڕۆ شهمبوویێ ئاگر ب كهمپا باجد كهندالا كهفت و زێدهتری 30 دوكانان سۆتن و تیمێن بەرگيریا شارستانی ل زاخۆ ئاگر كۆنترۆلكرن.
ب گۆڕهى زانیاریێن دلڤين حهجى پهيامنێرا سهما تیڤی، سبا ئيڕۆ شهمبوويێ 27-12-2025، ئاگر ب دوكانێن بازارێ كهمپا باجد كهندالا یا ئاوارهيێن شنگالێ ل ئیدارا سهربهخۆ یا زاخۆ كهفت.
ب گۆتنا ئاكنجيێن كهمپێ، ئاگر ژبهر شۆرتهكێ كارهبێ بوویه و زێدهتری 30دوكانان دگهل ههموو كهلوپهلێن وان سۆتینه، بهلێ چ زیانهكا گیانی نهبوویه و تیمێن بەرگيریا شارستانی ل زاخۆ ئاگر كۆنترۆلكرن.
كهمپا باجد كهندالا زێدهتر ژ ههزار خێزانێن ئاوارهيێن شنگالێ تێدانه و پشتی هێرش و داگیركرنا شنگالێ ژ ئالیێ چهكدارێن ڕێكخراوا داعش يا تيرۆرستى ئاوارهی ههرێما كوردستانێ بوون.
