ناڤەندا نووچەیان – سەما
بنگەهێ لالش ل دهۆکێ یاداشتنامەیەک پێشکێشی وەزارەتا خواندنا بلند یا حکومەتا هەرێما کوردستانێ کر.
ئیڕۆ دووشەمبوویێ، 8ی کانوونا ئێکێ 2025، شاندەکێ بنگەهێ لالش ل دهۆکێ ب سەرۆکاتیا سەعید جردۆ، سەرۆکێ بنگەهی سەرەدانا وەزارەتا خواندنا بلند یا حکومەتا هەرێما کوردستانێ کر و ژ ئالیێ د. ئەمیر بریکارێ وەزیری و د. سەباح ڕاوێژکارێ وەزارەتێ ڤە هاتنە پێشوازیکرن.
مەرەم ژ ڤێ سەرەدانێ پێشکێشکرنا یاداشتنامەیەکێ بوو ژ ئالیێ بنگەهێ لالش ڤە بۆ وەزارەتێ، سەبارەت فەرمانا سەرۆکوەزیران مەسرور بارزانی یا گرێدایی ب ئاسانکاریێن خواندنێ ل زانکۆ و پەیمانگەهێن هەرێما کوردستانێ، دیسان خواندنا ماستر ودکتۆرایێ بۆ قوتابیێن ڕزگاربوویێن ژ دەستێ داعش.