ناڤەندا نووچەیان – سەما
دهستهيا چوونا ئێزديا بۆ توركيا ل وهلاتێ ئهلمانيا هاته دانان و دێ سهرهدانا توركيا كهن و ل گهل سهرۆككۆمار و وهزيرێ دهرڤهيێ توركيا كۆم بن.
نهديم ئهركيش، ئهندامێ دهستهيا چوونا ئێزديا بۆ توركيا ل ئهلمانيا تايبهت بۆ سهما دياركر، وهكو پێنگاڤهك بۆ دابينكرن و پاراستنا مافێن ئێزديان ئهڤ دهستهيه هاته دانان، كو بڕياره د مهها ئێك يا سالا 2026ێ دا سهرهدانا توركيا بكهت و ل گهل سهرۆككۆمار و وهزيرێ دهرڤهيێ توركيا كۆم بن.
ئهندامێ دهستهيێ دبێژت: دڤێ سهرهدانێ دا دێ داخوازا ب فهرميكرنا ئۆلا ئێزديان د دهستوورێ توركيا دا كهن، كو بێته قهبوولكرن و مافێن وان بێنه دان.
ئاماژه ب وێ چهندێ دا، ههر دڤێ ههڤديتنێ دا دێ داكۆكيێ ل گهلهك مژارێن گرنگێن ئێزديان كهن، ژوانژى پهروهردا ئێزدياتيێ پهيرهو بكهن و ئاستهنگى نهمينن دهمێ ئێزدى ڤهدگهرنه وهلاتێ خۆ و مولكێ وان بێنه ڤهگهڕاندن.
ئهركيش دووپاتكر، ئهو دێ كار ل سهر چارهسهركرنا ههموو پرسگرێكێن ئێزديان ل توركيا كهن.
ژ ئهگهرێ فهرمانێن ب سهرێ ئێزديان دا هاتين، ب ههزاران ئێزدى باكوورێ كوردستانێ كۆچبهرێن وهلاتێن دى ب تايبهت ئهورۆپا بوون و نوكه هێدى هێدى پشكهكا وان ڤهدگهڕنه سهر جى و وارێن خۆ ڤه.