ناڤەندا نووچەیان – سەما
سهرۆك بارزانى و ئهحمهد شهرع د پهيوهنديهكا تهلهفونى دا دانوستاندن ل دۆر داوى پێشهاتێن سياسىێن سوريا و گهۆرينێن ناڤچهيێ كرن.
ل گۆرهى راگههاندنا بارهگههێ بارزانى, ئيرۆ ئيينێ 9ـى كانوونا دووێ يا 2026 ئهحمهد شهرع سهرۆكێ سوريا ب رێيا تهلهفونێ پهيوهندى ب سهرۆك بارزانى كر.
د وێ پەیوەندییا تەلەفۆنیدا، دوماهی پێشهاتێن سیاسی یێن سووریا و گوهۆڕینێن دەڤەرێ هاتنە بەر باس و هەردوو لایەنان دوپاتی ل سەر گرنگیا سەقامگیری و هەماهەنگییا هەڤپشک کرەڤە.
ژ لایەکێ دی ڤە، ئەحمەد شەرع دوپات کر کو کورد پێکهاتەکا ڕەسەن و سەرەکی یا گەلێ سووریایە، و جەخت ل سەر پێگیریا تەماما دەولەتا سووریا کر بۆ گەرەنتیکردنا هەمی مافێن نەتەوەیی، سیاسی و مەدەنی یێن کوردان دگەل پێکهاتێن دی یێن سووریا ب شێوەیەکێ یەکسان و بێ جوداهی.
هەر د وێ پەیوەندیێدا، سەرۆک بارزانی سوپاسی و پێزانینێن خۆ بۆ ڤێ تێڕوانینا ئەحمەد شەرع دیار کرن و پشتەڤانییا خۆ بۆ داخوازی و ئارمانجێن سوورییان ڕاگەهاند بۆ ئاڤاکرنا دەولەتەکێ کو هەمی لایەن و پێکهاتان بخۆڤە بگریت و تێدا پشکدار بن.
هەروەسا جەخت ل سەر پێدڤیا بەردەوامییا ڕاوێژ و هەماهەنگیێ کر ژ پێخەمەت بەرچاڤکرنا بەرژەوەندیێن هەمی لایەکێ و پاراستنا تەبایی و ئاشتەوایا جڤاکی.