ناڤەندا نووچەیان – سەما
ئيرۆ شەمبوويێ، 08-03-2025، ل ڕۆژا جیهانی یا ئافره‌تان، دەست ب دابەشکرنا مینحەیا مەها شوباتێ یا مەسرور بارزانی، سەرۆکێ حکومەتا هەرێما کوردستانێ بۆ وەلاتیێن ئێزدی یێن ڕزگاربوویێن ژ دەستێ داعش، هاتە کرن.
ئەڤە شەشەمین مەهە مینحەیا سەرۆک وەزیران مەسرور بارزانی، بێ جوداهی، بۆ پتر ژ سێ هه‌زار و 500 وەلاتیێن ئێزدی تێتە دابەشکرن کو پشتی سالا 2014 ژ بن دەستێ داعشێ هاتینە ڕزگارکرن.
لدووڤ خشته‌يێ بۆ دابه‌شكرنێ هاتيه به‌لاڤكرن، دابەشکرنا مینحەیا سەرۆک وەزیران ل هەر چار تايێن بنگه‌هێ لالش، شێخان، شاریا، خانکێ و دێرەبوونێ بۆ ماوەیێ چەند ڕۆژان دێ بەردەوام دبت، هەتا ئەو ڕزگاربوویێن چووینە دەرڤەی وەلاتی ژی دكارن ب ڕێیا نوونەرێن خۆ وەرگرن.
بریارا دانا ڤێ مینحەیێ ڤەدگەرت بۆ مەها تشرینا دووێ یا سالا بوری کو حکومەتا هەرێما کوردستانێ مینحە بۆ سێ هه‌زار و 574 کەسێن ئێزدی دابین کریە، ب تایبەتی ژی بۆ ئەوێن ژ دەستێ داعشێ هاتینە ڕزگارکرن.
پشتی هێرشا داعشێ بۆ سەر شنگالێ، کوردێن ئێزدی ئاوارەی هەرێما کوردستانێ بووینە و ب گۆرەی ئاماران، نوکە پتر ژ 135 هه‌زار ئێزدی ل کەمپێن دهۆک و هەولێرێ دژین.