ناڤەندا نووچەیان – سەما
بابا شێخ شێخ عەلی شێخ ئەلیاس د بەیاننامەیەکێ دا بەلاڤکریە، داخوازێ ل ههموو ئاليێن پشكدار د ڕوودانێن بهردهوامێن حهلهبێ دا دكهت، ئارام بن و پێکدانێ ب ڕاوەستینن، ديالۆگ و لێكتێگههشتنێ ل پێشيا ههر كارهكى دانن بۆ پاراستنا خهلكێ سڤیل و ئاشتەوایا كۆمهلايهتى.
دەقێ بەیاننامەیا بابا شێخ:
داخوازێ ل ههموو ئاليێن پشكدار د ڕوودانێن بهردهوامێن حهلهبێ دا دكهت، ئارام بن و پێکدانێ ب ڕاوەستینن، ديالۆگ و لێكتێگههشتنێ ل پێشيا ههر كارهكى دانن بۆ پاراستنا خهلكێ سڤیل و ئاشتەوایا كۆمهلايهتى.
بابا شێخ دوپاتکر، بهردهواميا ئالۆزيیان دشیان دایە بارودۆخێ سياسى و ئهمنى ئالۆزتر بکەت و ئازارێن ئاكنجيان زێدهتر دكهت، لهوران ئهڤێ چهندێ پێتڤى ب ههولێن ههڤپشك ههيه بۆ رێگريكرنێ ل تێكچۆن و نهئاراميا زێدهتر ل باژێرێ حهلهب و دەڤەرێ دا.
ههروهسا بابا شێخ داخوازێ ژ سهركردايهتيا هێزێن سووريا ديموكرات و حكومهتا دهمكى يا سووريا و جڤاکێ ناڤدەولەتی دكهت ڕۆلێ ئهرێنى يێ خۆ بۆ ئارامكرنا بارودۆخى بگێرن و پشتگريا ههولان بكهن كو ئارمانجا وان كێمكرنا ئالۆزيان بن و هاندانا چارهسهریا ئاشتيانه ل سهر بنهمايێ ديالۆگ و ڕێزگرتنێ بکەن.
هەر د ڤى چارچۆڤهيى ده، بابا شێخ بانگهوازيێ ل ههموو ئاليیان دكهت ڕێيهكا ب سلامهت ڤهكهن ک هاریکاريێن مرۆڤى يێن بلهز بگههنه تاخێن شێخ مهقسوود و ئهشرهفيیێ يێن باژێرێ حهلهبێ، ههروهسا زامنكرنا پاراستنا ئهوان وهلاتيێن ل وێدهرێ ئاكنجى و مسۆگەركرنا مافێ ژيانێ و سهلامهيتهكا سهرفهراز، دناڤدا وەلاتیێن ئێزدى كو ل وان تاخان ئاسێ ماينه، ههروهكى ههموو پێکهاتەیێن دى بێ جياوازى.
ههروهسا بابا شێخ ڕژديێ ل سەر ئاشتى و دانوستاندنێ دكهت وهكو بنياتهكێ موكم بۆ ئاڤاكرنا پاشهرۆژهكا ئارام و سەقامگێر بۆ پاراستنا كهرهامهتا مرۆڤى و مافێ ژيانێ ب سلامهتى بمينت.