سه‌ما
سه‌رپه‌شتیارێ دۆسەیا رزگاركرنا گرتيێن ئێزدى ئاشكه‌راكر،لدوڤ زانياريان گهلهك گرتيێن ئێزدى ل كه‌مپا هۆلێ هه‌نه و ده‌ستهه‌لاتا كه‌مپێ يا هه‌ڤكار نينه بۆ رزگاركرنا وان.
خێرى بۆزانى، سه‌رپه‌شتیارێ دۆسەیا رزگاركرنا گرتيێن ئێزدى بۆ سه‌ما راگه‌هاند؛ل گۆڕه‌ى گۆتنا گرتيێن ئێزدى يێن به‌رى نۆكه ل كه‌مپا هۆلێ هاتينه رزگاركرن هێشتا گهلهك گرتى دناڤا كه‌مپێ دا هه‌نه و ژبه‌ر هه‌بوونا مه‌ترسى و چاڤدێريێ ل سه‌ر ژيانا وان ژلايێ خێزانێن داعشێ ڤه ئه‌و نكارن ناسنامه‌يا خۆ ديار بكه‌ن.
بۆزانى زێده‌تر گۆت:ده‌ستهه‌لاتا كه‌مپێ يا هاريكار نينه ب كارێ رزگاركرنا وان گرتيێن ماين رابين و بزاڤێن مه بۆ رزگاركرنا وان دێ دبه‌رده‌وام بن.
ناڤهاتى ئاشكه‌راكر:هه‌تا نۆكه چاره‌نڤیسێ دوو هه‌زار و 601 كه‌سێن ئێزدى ژهه‌ردوو ره‌گه‌زان يێ دیار نینه،ژوانا ژى هه‌زار و 235 ژ ڕه‌گه‌زێ مێ و هه‌زار و 366 ژ ڕەگه‌زێ نێرن.
كه‌مپا هۆلێ دكه‌فته باشوورێ باژێرێ هۆلێ ل پارێزگه‌ها حه‌سه‌كه ل رۆژئاڤايێ كوردستانێ.