سه‌ما
بەرپرسێ هەڵبژارتنێن کوردستانێ د کۆمیسیۆنا عیراقێ دا دبێژیت: ئەڤ هەڵبژارتن ب شێوەیەکێ گەلەک سەرکەفتی چوو ڤە و ئامیرێن دەنگدانێ ژى ب شێوەیەکێ باش کار کرن. هەروەسا گۆت: سکاڵا هاتینە تۆمارکرن، لێ هەتا نوکە رێژە نە دیارە کو چەندە.
ئینا 18ـێ چریا ئێکێ 2024، نەبەرد عومەر، بەرپرسێ هەڵبژارتنێن کوردستانێ د کۆمیسیۆنا باڵا یا سەربخۆ یا هەڵبژارتنێن عیراقێ دا، د کۆنفرانسەکا رۆژنامەڤانی دا، راگەهاند: پرۆسەیا دەنگدانێ ب شێوەیەکێ گەلەک سەرکەفتی چوو ڤە، هەروەسا ئەنجام ب سەرکەفتن هاتنە شاندن بۆ بەغدایێ و چ کێشە و ئاستەنگ نەبوون.
بەرپرسێ هەڵبژارتنێن کوردستانێ د کۆمیسیۆنا عیراقێ دا، ئاماژە ب وێ چەندێ دا، کو ئەڤ هەڵبژارتن گەلەک ب سەرکەفتن چوو ڤە، هەروەسا ئامیرێن دەنگدانێ ژى ب شێوەیەکێ باش کار دکرن و کێشە نەبوون.
باس ژ وێ کر، نێزیکی سێ هزار و 750 چاڤدێرێن نێڤدەولەتی و هزار و 928 چاڤدێرێن ناڤخۆیی ئامادە بوون ل هەمی بنکەیێن دەنگدانێ. نەبەرد عومەر، گۆت: سکاڵا هاتینە تۆمارکرن، لێ هەتا نوکە رێژە نە دیارە کا چەندە.
دەربارەی کێشەیا تلیا مۆرێ، بەرپرسێ هەڵبژارتنێن کوردستانێ د کۆمیسیۆنا عیراقێ دا، رۆنکر، دوو جۆرێن کێشەیێن تلیا مۆرێ هەنە. یا ئێکێ؛ کارتێ دەنگدانێ تلیا مۆرێ تێدا نەبیت. یا دووێ؛ تلیا مۆر هەیە د ناڤ کارتی دا لێ د رۆژا هەڵبژارتنێ دا کەس ب سەدەما نەخوەشیێ یان برینداربوونا تلیێ، تلیا مۆرێ ناهێتە خواندن.
هەروەسا داخواز ژ هاوەڵاتیان کر، کو گرنگیێ ب تلیێن خوە بدەن هەتا دەمێ دەنگدانێ، چونکی ئەگەر تلیا مۆرێ نەهێتە خواندن، ئەو نکارن دەنگێ خوە بدەن.
ژ لایێ خوە ڤە دکتۆر ئەیسەر، گۆتەبێژێ کۆمیسیۆنێ، رێژا بەشداربوویان ل هەمی پارێزگەهێن هەرێما کوردستانێ و بەشەک ژ پارێزگەهێن عیراقێ راگەهاند و ب ڤی رەنگی بوون:
دهۆک: 98%
هەولێر: 97%
سلێمانی: 97%
هەڵەبجە: 96%
کەرکووک: 56%
نەینەوا: 43%
دیالە: 62%
بەغدا کەرخ: 79%
بەغدا رەسافە: 60%
سەڵاحەددین: 54%
ئەنبار: 8%
واست: 4%
ناڤبری ئاشکرا کر، ژ کۆما 215 هزار و 560 دەنگدەرێن تایبەت، 208 هزار و 521 کەسان دەنگێ خوە دان، رێژا گشتی یا بەشداریکرنێ د دەنگدانێ دا 97% بوو.
دەمژمێر 7ـێ سپێدەهیا ئەڤرۆ ئینێ 18ـێ چریا ئێکێ 2024، پرۆسەیا دەنگدانا تایبەت یا هێزێن ئەمنی بۆ هەڵبژارتنا خولا شەشێ یا پەرلەمانێ کوردستانێ دەست پێ کر و هەتا دەمژمێر 06:00ـێ ئێڤارێ بەردەوام دبیت.
د بازنەیا هەولێرێ دا بۆ دەنگدانا تایبەت (48) بنکەیێن دەنگدانێ هاتینە دیارکرن و د ئیدارەیا سەربخوە یا سۆرانێ دا ژى 14 بنکە، (82 هزار و 470) دەنگدەران بایۆمەتری کریە و (82 هزار و 88) دەنگدەران کارتێ بایۆمەتری وەرگرتیە و دێ دەنگێ خوە دەن.
هەروەسا رۆژا یەکشەمبێ یا داهاتی، 20ـێ چریا ئێکێ 2024، هەڵبژارتنا گشتی یا خولا شەشێ یا پەرلەمانێ کوردستانێ دێ چیت ڤە، کۆمیسیۆنا باڵا یا سەربخوە یا هەڵبژارتنێن عیراقێ ژى راگەهاندیە، 24 دەمژمێران پشتی تەمامبوونا پرۆسەیێ، دێ ئەنجامێن بەرایی یێن هەڵبژارتنێ راگەهینیت.