ناڤهندا نووچهیان – سهما
وەزارەتا دارایی و ئابۆرى يا حکومەتا هەرێما کوردستانێ، گەهشتنا پشكهكا دراڤێ تەمویلا مووچەیێ ههيڤا شوباتێ راگەهاند.
دڕاگههاندنهكا فهرمى دا، ئيرۆ پێنج شەمبوويێ، 5ـی ئادارا 2026، وەزارەتا دارایی و ئابۆری ئاشکراکر، “ن نیڤرۆيا ئيرۆ پێنج شەمبوويێ، 5ـی ئادارا 2026، كوژمێ (274 ) ملیارو ( 962) ملیۆن دیناران ب چار كوژمان وەکو پشكهك ژ تەمویلا مووچەیێ ههيڤا شوباتێ يێ مووچەخۆرێن هەرێمێ، كهفته سەر هەژمارا بهنکی يا وەزارەتا دارایی و ئابۆری يا حكومهتا هەرێما کوردستانێ ل لقێ هەولێرێ يێ بهنکا ناڤەندی يا عێراقێ.”
دڕاگههاندنێ دا هاتييە، ئهڤ دراڤێ گههشتى تایبەتە بۆ مووچەیێ ههيڤا شوباتێ يێ ههر ئێك ژ يێ خانەنشینان و مفادارێن چاڤدێریا جڤاكى و فەرمانبەرێن گرێبەست و مینحەیا زیندانیێن سیاسی.
دهربارهى ژڤانێ دابەشکرنا مووچەيى، وەزارەتا دارایی رۆنكر، دئێته چاڤەڕێكرن ل گەل دەستپێکرنا دەواما فەرمی ل رۆژا ئێك شهمبوويا بێت تەمامييا تەمویلا مووچەى ب كهفته سەر هەژمارا مه يا بهنكى.
ديار ژى كر، ل گەل گەهشتنا تهڤاهييا دراڤى و وەرگرتنا وى ل لقێ هەولێرێ يێ بهنکا ناڤەندی يا عێراقێ دێ ئێكسهر خشتەیێ مووچەیێ ههيڤا شوباتێ ڕاگههينين و دەست ب دابەشکرنا مووچەى ئێته كرن.