ناڤەندا نووچەیان – سەما
رێڤەبەریيا گشتی یا سەقاناسی و بيڤهلهرزان يا هەرێما کوردستانێ، سەقایێ پێشبینیکری یێ ٤٨ دەمژمێرێن بێت بەلاڤ کر و ڕاگەهاند، پێلەکا نمە بارانێ دێ دهڤهرێن کوردستانێ ڤەگرت.
ل دووڤ پێشبینیێن سەقاناسیا هەرێما کوردستانێ، سەقایێ ئيرۆ ئێک شەمبوويێ، ١١-١-٢٠٢٦، ئاسمان دێ ساهی و پارچە عەور بت و ل دهڤهرێن چیایی دێ نیڤ عەور بت، لەزاتیا بای دێ د ناڤبەرا ٥ بۆ ١٠ کم دا بت د دەمژمێرەکێ دا، هەروەسا پلەیێن گەرمێ ژی ١ تا ٢ پلەیان هەڤبەر ب تۆمارکریێن دوهی دێ بلند بن.
سەبارەت سهقايێ سبەی دووشەمبوويێ، 12-1-2026، سهقاناسى پێشبینی دکهت، ئاسمان ساهی و پارچە عەور بت، ل دهمێ ئێڤارى بۆ نیمچە عهورى و ل دهرەنگيا شەڤێ پێلهكا باران بارینێ بۆ سەر دهڤهرا مه ب نمە باران هێدى هێدى ل دهڤهرێن جودا جودا دێ دەست پێ کهت.