ناڤەندا نووچەیان – سەما
سەرۆکێ حکومەتا هەرێما کوردستانێ ل داڤۆس تەکەزییێ ل پاراستنا ئاشتی و ئارامی و ڕێزگرتن ل مافێن گەلێ کورد و هەموو پێکهاتەیێن سووریا دکەت.
ئيرۆ سێ شەمبوويێ،20ـى كانوونا دووێ 2026، مەسرور بارزانی، سەرۆکێ حکومەتا هەرێما کوردستانێ، ل داڤۆس پێشوازی ل جاسم محەمەد ئەلبدێوی، ئەمیندارێ گشتییێ نوو یێ جڤاتا هاریکاری یا وەلاتێن کەنداڤی کر.
حکومەتا هەرێما کوردستانێ د راگەهاندنهكێ دا ئاماژە ب وێ چهندێ دا “د دیدارەکێ دا بەحسێ رەوشا گشتییا عیراقێ و بزاڤ و گەنگەشەیێن لایەنێن سیاسی بۆ پێکئینانا کابینەیا نوو هاتە کرن. هەردو ئالی هەڤڕا بوون ل سەر ب هێزترکرنا پەیوەندیێن هەرێما کوردستانێ و وەڵاتێن کەنداڤى.”
شەڕ و پێکدادانێن ل سوورییێ تەوەرەکێ دیترێ دیدارێ بوو” سەرۆکێ حکومەتێ نیگەرانیا خۆ یا کور ل هەمبەر زێدەبوونا گرژی و شەڕی دیار کر و تەكەز ل سەر پاراستنا ئاشتی و سەقامگیرییێ و ڕێزگرتن ل مافێن گەلێ کورد و هەموو پێکهاتەیێن سووریا كر.”